MNP ၊ မေ ၂၆
အလွန့်အလွန်အားကောင်းသော ဆိုင်ကလုန်းမုန်တိုင်းမိုခါ(MOCHA)ဖြတ်သန်း တိုက်ခတ်မှုကြောင့် ရခိုင်ပြည်နယ်ပေါက်တောမြို့နယ်အတွင်းရှိ မုန်တိုင်းဒဏ်သင့်သေများသို့ အထူးကုဆေးအဖွဲ့များ အခမဲ့ ကျန်းမာရေးစောင့်ရှောက်ပေးလျက်ရှိသည်။
အဆိုပါ အထူးကုဆေးအဖွဲ့သည် ယမန်နေ့ က ပေါက်တောမြို့နယ်အတွင်းရှိ လက်ပံပြားကျေးရွာ နှင့် မနော်သီရိ ကျေးရွာများသို့သွား ရောက်ပြီးဒေသခံပြည်သူများအား လိုအပ်သည့် ကျန်းမာရေးစောင့်ရှောက်မှု လုပ်ငန်းများဆောင်ရွက်ပေးခဲ့ကြသည်။ ယနေ့တွင် သဲခုံကျေးရွာသို့ သွားရောက်ပြီး ဒေသခံပြည်သူများအား လိုအပ်သည့် ကျန်းမာရေးစောင့်ရှောက်မှု လုပ်ငန်းများဆောင်ရွက်ပေးကြသည်။
ထို့သို့ ကျန်းမာရေးစောင့်ရှောက်မှုလုပ်ငန်းများဆောင်ရွက်ရာတွင် ပေါက်တောမြို့နယ် ကျန်းမာရေးဦးစီးဌာန နှင့် မြို့နယ် ကြက်ခြေနီအသင်းတို့က ပူးပေါင်းကာဒေသခံပြည်သူများ လိုအပ်သည့် ကျန်းမာရေး စောင့်ရှောက်မှုလုပ်ငန်းများကို ဆောင်ရွက်ပေးလျက်ရှိကြောင်း သိရသည်။
ဝင်းမင်းစိုး
https://t.me/MyanmarNationalPost
No comments:
Post a Comment