မိုခါဆိုင်ကလုန်းမုန်တိုင်းကြောင့် သောက်သုံးရေအခက်အခဲဖြစ်နေသည့်ပြည်သူများအတွက်သန့်ရှင်းသောသောက်သုံးရေရရှိရေးဆောင်ရွက်ပေးနေမှုအား ကျေးလက်ဦးစီးဌာန ညွှန်ကြားရေးမှူးချုပ် ဦးသိန်းလွင်နှင့်တာဝန်ရှိသူများက စစ်ဆေးကြည့်ရှူ

MNP ၊ မေ  ၂၄

ရခိုင်ပြည်နယ်၊စစ်တေခွရိုင်၊ရသေ့တောင်မြို့နယ်အတွင်းရှိ မိုခါ ဆိုင်ကလုန်းမုန်တိုင်းကြောင့်သောက်သုံးရေအခက်အခဲဖြစ်နေသည့် ပြည်သူများအား မြို့နယ်ကျေးလက်​ဒေသဖွံ့ဖြိုးတိုးတက်ရေးဦးစီးဌာနက နေ့နံနက်ပိုင်းက ရေသန့်စင်ကားဖြင့်သန့်ရှင်းသောသောက်သုံးရေများကိုအရှေ့မြောက်ရပ်ကွက်ဒေသခံပြည်သူများအားရေသန့်များအားဖြန့်ဝေပေးခဲ့ရာကျေးလက်ဒေသဖွံ့ဖြိုးတိုးတက်ရေးဦးစီးဌာနညွှန်ကြားရေးမှူးချုပ် ဦးသိန်းလွင်နှင့်တာဝန်ရှိသူများကစစ်ဆေးကြည့်ရှူ ခဲ့ကြသည်။

ရသေ့တောင်မြို့နယ်အတွင် ရေရှားပါးမှုကြုံနေရပြီး မိုခါ ဆိုင်ကလုန်းမုန်တိုင်းကြောင့် ရေကန်အများစုမှာဆားငံရေဝင်သွားခြင်းကြောင့်သောက်သုံးရအခက်အခဲများဖြစ်ပေါ်လျှက်ရှိပါသည်။

ယခုအခါ ရသေ့တောင် မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှဦးစီးပြီးရေသန့်စင်ကား(၂)စီးဖြင့်မြို့ပေါ်ရပ်ကွက်(၄) ကွက်ရှိပြည်သူများ၊ယာယီနေရပ်စွန့်ခွာသူများ၊လေဘေးဒါဏ်သင့်ပြည်သူများထံသို့ ၂၂.၅.၂၃ ရက်နေ့မှသောက်ရေများစတင်ဖြန့်ဝေခဲ့ရာ ယနေ့အချိန်ထိ ရေဂါလံပေါင်း (၁၂၀၀၀)ဂါလံကို အကျိုးပြုပြည်သူ (၁၀၇၀၀) ဦးတို့အတွက်ဖြန့်ဝေနိုင်ခဲ့ကြောင်း သတင်းရရှိပါသည်။

 https://t.me/MyanmarNationalPost