MNP ၊ မေ ၂၅
ဧရာဝတီတိုင်းဒေသကြီး ဟင်္သာတခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်သန်းဝင်းသည် ဟင်္သာတမြို့နယ်အတွင်း ၂၀၂၃-၂၀၂၄ပညာသင်နှစ်အတွက် ကျောင်းအပ်နှံခြင်း လုပ်ငန်းဆောင်ရွက်နေမှု အခြေအနေများကို ယမန်နေ့နံနက် ၉ နာရီက ကွင်းဆင်းကြည့်ရှုစစ်ဆေးခဲ့ကြသည်။
ထို့သို့ ကွင်းဆင်းကြည့်ရှုရာတွင် ဟင်္သာတမြို့၊ တက္ကသိုလ်လမ်းရှိ အမှတ် (၄) အခြေခံပညာ အလယ်တန်းကျောင်းသို့လည်းကောင်း၊ ပြည်တော်သာလမ်းရှိ အမှတ် (၆) အခြေခံပညာ အထက်တန်းကျောင်းသို့ လည်းကောင်းမြို့ပေါ်ရပ်ကွက် မူလွန်ကျောင်းများသို့ရောက်ရှိခဲ့ပြီး ကျောင်းသား/သူများ ကျောင်းအပ်နှံနေမှုအခြေအနေများ၊ ဆရာ/ဆရာမများ ကျောင်းအပ်လက်ခံနေမှု အခြေအနေများ၊ စာရေးကိရိယာများ၊ သင်ကြားရေးဖတ်စာအုပ်များနှင့် ကျောင်းဝတ်စုံများထောက်ပံ့ပေးနေမှု အခြေအနေများအား ကြည့်ရှုစစ်ဆေးခဲ့ကာ လိုအပ်သည်များ လမ်းညွှန်မှာကြားခဲ့သည်။
အဆိုပါ ကွင်းဆင်းရာသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်သန်းဝင်းနှင့် အဖွဲ့ဝင်များ၊ မြို့နယ်ဥက္ကဋ္ဌ ဦးညွန့်ဆန်းထွန်းနှင့်တာဝန်ရှိသူများ၊ ခရိုင်ပညာရေးမှုးဦးတိုးဝင်းနှင့် မြို့နယ် ပညာရေးဌာနမှ တာဝန်ရှိသူများ သက်ဆိုင်ရာနယ်မြေကျောင်းအုပ်ကြီးများက လိုက်ပါ ဆောင်ရွက်ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment