MNP ၊ မေ ၁၇
မွန်ပြည်နယ်၊ ကျိုက်မရောမြို့နယ်ပြန်ကြားရေးနှင်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန(Community Centre)ခန်းမ၌ ကမ္ဘာ့ပတ်ဝန်းကျင်ထိန်းသိမ်းရေးနေ့အထိမ်းအမှတ် နံရံကပ်စာစောင်ပြသခြင်းနှင့် စာအုပ်ပြပွဲကို ယမန်နေ့ မွန်းလွဲပိုင်းက ပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိဒေါ်ချိုမြတ်မြတ်ထွေးက ပြပွဲပြုလုပ်ရခြင်း၏ ရည်ရွယ်ချက်ကို ရှင်းလင်းပြောကြားပြီး ကမ္ဘာပေါ်ရှိ လူသားများအပါအဝင် သက်ရှိသတ္တဝါအားလုံးကျန်းမာပျော်ရွှင်စွာ ရှင်သန်နိုင်ရေးအတွက် သန့်ရှင်းကောင်းမွန်သော ကမ္ဘာမြေကြီးကိုသဘာဝနှင့် ဟန်ချက်ညီစွာနေထိုင်ပြီး ပတ်ဝန်းကျင်ထိန်းသိမ်းရေး လုပ်ငန်းများကို လုပ်ဆောင်ကြရန်လိုအပ်ကြောင်းပြောကြားခဲ့သည်။
ထို့နောက်ပြသထားသည့် သဘာဝပတ်ဝန်းကျင်ထိန်းသိမ်းရေး အကြောင်းအရာပါ နံရံကပ်စာစောင်တွင် အပင်များကိုသဘာဝနည်းဖြင့် ပြုစုပျိုးထောင်နည်း၊ သစ်ပင်များကိုထိန်းသိမ်းစောင့်ရှောက်ခြင်းစသည့် ဗဟုသုတများစွာကို လူငယ်များက စိတ်ပါဝင်စားစွာ လေ့လာကြည့်ရှုခဲ့ကြသည်။
https://t.me/MyanmarNationalPost
No comments:
Post a Comment