MNP ၊ မေ ၂၄
စစ်ကိုင်းတိုင်းဒေသကြီး၊ ရွှေဘိုခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ခရိုင် ပတ်ဝန်းကျင်ထိန်းသိမ်းရေးဦးစီးဌာနတို့ ပူးပေါင်း၍ ၂၀၂၃ ခုနှစ်၊ ဇွန်လ ၅ ရက်နေ့တွင် ကျရောက်မည့် ကမ္ဘာ့ပတ်ဝန်းကျင်ထိန်းသိမ်းရေးနေ့အကြို အသိပညာပေး ဟောပြောပွဲ၊ စာအုပ်/ စာစောင်နှင့် နံရံကပ်စာစောင်ပြပွဲကို ယနေ့ နံနက် ၁၀ နာရီအချိန်က လူထုအခြေပြုဗဟိုဌာန (Community Centre) ခန်းမ၌ ကျင်းပပြုလုပ်ခဲ့သည်။
အသိပညာပေး ဟောပြောပွဲတွင် ရွှေဘိုခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်အေးမြမွန်က အသိပညာပေး ဟောပြောပွဲ၊ စာအုပ်/စာစောင်ပြပွဲ၊ နံရံကပ်စာစောင်ပြပွဲများ ကျင်းပပြုလုပ်ရခြင်း၏ ရည် ရွယ်ချက်များကို ရှင်းလင်းပြောကြားပြီးနောက် ခရိုင်ပတ်ဝန်းကျင်ထိန်းသိမ်းရေးဦးစီးဌာနမှ ဦးစီးအရာရှိ ဒေါ်သူဇာလင်းက ပတ်ဝန်းကျင်ထိန်းသိမ်းရေးနေ့ ဖြစ်ပေါ်လာပုံနှင့် ပလတ်စတစ်၏ အဓိပ္ပါယ်၊ ပလတ်စတစ်ပေါ်ပေါက်လာပုံနှင့် ပါဝင်သည့်ပစ္စည်းများ ပလတ်စတစ်၏ အကျိုးကျေးဇူး၊ ပလတ်စတစ် အမျိုးအစားများနှင့် ပလတ်စတစ်ထုတ်လုပ်သုံးစွဲမှုအခြေအနေ၊ ပလတ်စတစ် ညစ်ညမ်းမှုကြောင့် ဖြစ်ပေါ်လာနိုင်သော ဆိုးကျိုးများ၊ ပလတ်စတစ်ပစ္စည်းများ အသုံးပြုမှုကိုလျှော့ချရန်နည်းလမ်းများ စသည် တို့ကို အကျယ်တဝင့်ဆွေးနွေးပြောကြားပြီး ပတ်ဝန်းကျင်ထိန်းသိမ်းရေးဆိုင်ရာ အသိပညာပေး လက်ကမ်းစာစောင်များ အခမဲ့ ဖြန့်ဝေပေးခဲ့သည်။
ထို့နောက် ပတ်ဝန်းကျင်ထိန်းသိမ်းရေးဆိုင်ရာများ လေ့လာနိုင်ရန်၊ စာအုပ်/စာစောင်နှင့် ပလတ်စတစ် ညစ်ညမ်းမှုအန္တရာယ်အကြောင်း သိကောင်းစရာ၊ နံရံကပ်စာစောင်များ ပြသရာတက်ရောက်လာသူများက စိတ်ပါဝင်စားစွာကြည့်ရှုခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment