မှတ်ပုံတင်ထားသည့် နိုင်ငံရေးပါတီများအနက်မှ ၁၀ ပါတီကို UEC က နိုင်ငံရေးပါတီအဖြစ် တည်ထောင်ခွင့်ပြုထားပြီး ကျန်အဖွဲ့များ ဆက်လက်စိစစ်လျက်ရှိ

MNP ၊ မေ ၂

နိုင်ငံရေးပါတီများမှတ်ပုံတင်ခြင်းဥပဒေ (၂၀၂၃) အရ တည်ဆဲနိုင်ငံရေးပါတီများနှင့် အသစ်လျှောက်ထားလိုသော နိုင်ငံရေးပါတီများသည် ပြန်လည်မှတ်ပုံတင်ခြင်းနှင့် အသစ်လျှောက်ထားခြင်းများ ဆောင်ရွက်ခဲ့ရာ ပြည်ထောင်စုရွေးကောက်ပွဲကော်မရှင်က ဆက်လက်ရပ်တည်မည့် နိုင်ငံရေးပါတီနှင့် အသစ်လျှောက်ထားသော နိုင်ငံရေးပါတီများအနက်မှ (၁၀)ပါတီ ကို နိုင်ငံရေးပါတီအဖြစ် မှတ်ပုံတင်ခွင့် ပြုထားပြီးဖြစ်ကြောင်း သိရသည်။

 နိုင်ငံရေးပါတီများမှတ်ပုံတင်ခြင်းဥပဒေ (၂၀၂၃)အရ ဆက်လက်ရပ်တည်ခွင့်နှင့် အတည်သစ်ထောင်ခွင့် တင်ပြထားသော ပါတီများအနက်မှ -

(၁) ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP)၊   

(၂) မြန်မာပြည်သူ့ဒီမိုကရက်တစ်ပါတီ (MPD)၊  

(၃) ဒီမိုကရေစီပါတီသစ်(ကချင်) [New Democracy Party (Kachin)] [N.D.P (Kachin)]၊  

(၄) ဖလုံ-စဝေါ်ဒီမိုကရက်တစ်ပါတီ၊   

(၅) တိုင်းရင်းသားစည်းလုံးညီညွတ်ရေးပါတီ၊ 

(၆) ရခိုင့်ဦးဆောင်ပါတီ [Arakan Front Party (AFP)]၊ 

(၇) တိုင်းလိုင်(ရှမ်းနီ) အမျိုးသားများဖွံ့ဖြိုးတိုးတက်ရေးပါတီ(T.N.D.P)၊ 

(၈) ရှမ်းနီ (တိုင်လျန်) သွေးစည်းညီညွတ်ရေးပါတီ (S.S.P)၊ 

(၉) ရှမ်းနှင့် တိုင်းရင်းသားများဒီမိုကရက်တစ်ပါတီ (ကျားဖြူပါတီ)၊ 

(၁၀) ဒီမိုကရက်တစ်ပါတီ

တို့ကို နိုင်ငံရေးပါတီအဖြစ် တည်ထောင်ခွင့်ပြုပြီး ဖြစ်ကြောင်းနှင့် တည်ထောင်ခွင့်လျှောက်ထားသည့် ကျန်အဖွဲ့များကိုလည်း စိစစ်ဆောင်ရွက်လျက်ရှိကြောင်း သတင်းရရှိသည်။

#MyanmarNationalPost