ဆိုင်ကလုန်း (မိုခါ) မုန်တိုင်းဘေးသင့်ခဲ့သော ရခိုင်ပြည်နယ်မှပြည်သူများအတွက် အလှူငွေ ပေးအပ်ပွဲအခမ်းအနားကျင်းပ

MNP ၊    ဇွန်   ၇

ဆိုင်ကလုန် (မိုခါ) မုန်တိုင်းဘေးသင့်ခဲ့သော ရခိုင်ပြည်နယ်မှပြည်သူများအတွက် အလှူရှင်များမှ အလှူငွေပေးအပ်ပွဲအခမ်းအနားကို ယမန်နေ့ ညနေ ၅ နာရီအချိန်က မိတ္ထီလာခရိုင် အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပခဲ့ကြောင်းသိရသည်။

အဆိုပါ အလှူငွေပေးအပ်ပွဲအခမ်းအနားတွင် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်ဇော်ဦးက ဆိုင်ကလုန်း (မိုခါ) မုန်တိုင်းဘေးသင့်ခဲ့သော ရခိုင်ပြည်နယ်မှ ပြည်သူများအတွက် အလှူငွေများ လှူဒါန်းသည့် အလှူရှင်များကို ကျေးဇူးတင်စကားပြောကြားသည်။ ထိုနောက် အလှူရှင်များက လှူဒါန်းငွေကျပ် ၁၅၈၅၄၀၀၀ ကျပ်နှင့် ၂၃၁၇၀၀၀ တန်ဖိုးရှိ ကူညီထောက်ပံ့ရေးပစ္စည်းမျိုးစုံကို ပေးအပ်လှူဒါန်းရာ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်ဇော်ဦး၊ အဖွဲ့ဝင် ဒုတိယရဲမှူးကြီး သက်ထွဋ်၊ အဖွဲ့ဝင်(၂) ဦးကျော်ဇေယျ၊ အဖွဲ့ဝင် (၃) ဦးနိုင်ဝင်းကျော်နှင့် ဒုတိယခရိုင်အုပ်ချုပ်ရေးမှူး ဦးလွှမ်းမိုးဟန်တို့က လက်ခံရယူခဲ့ကြာင်းသိရသည်။ အဆိုပါ အခမ်းအနားသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်ဇော်ဦးနှင့် အဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်အောင်လေးနှင့် အဖွဲ့ဝင်များ၊ အလှူရှင်များ တက်ရောက်ခဲ့ကြောင်းသိရသည်။   

ချမ်းသာ

 https://t.me/MyanmarNationalPost