MNP ၊ ဇွန် ၁၉
ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရ အဖွဲ့ဝင် ဝန်ကြီးများ၊ ဌာနဆိုင်ရာတာဝန်ရှိသူများနှင့် ယမန်နေ့ နံနက်ပိုင်းက ပုသိမ်မြို့၊ အမှတ်(၃) ရပ်ကွက်ရှိ မြို့သစ်ဈေးသို့သွားရောက်၍ ကုန်ဈေးနှုန်းများ တည်ငြိမ်မှန်ကန်ရှိစေရေးနှင့် ပြည်သူများ စျေးရောင်းစျေးဝယ် ပြုလုပ်နေမှုအခြေအနေများ ကွင်းဆင်းစစ်ဆေးခဲ့ကြောင်း သိရသည်။
တိုင်းဒေသကြီး ဝန်ကြီးချုပ်သည် မြို့သစ်ဈေး၌ ဆန်၊ အသား၊ ငါး၊ ပဲအမျိုးမျိုး၊ လောင်စာ တောင့်၊ အခြေခံစားသောက်ကုန်များ၊ ဟင်းသီး၊ ဟင်းရွက်များနှင့် လူသုံးကုန်ပစ္စည်းအမျိုးမျိုး တို့ကို ရောင်းချနေမှုနေမှုများကို ကြည့်ရှုစစ်ဆေးပြီး အဆင့်ဆင့် သယ်ယူပို့ဆောင် ရောင်းချ ရာတွင် ကုန်ကျသည့် ကုန်ကျစရိတ်များ၊ တစ်ဆင့်ပြန်လည်ရောင်းချလျက်ရှိသည့် ဈေးနှုန်း များအား ဈေးရောင်းချသူများနှင့် ရင်းရင်းနှီးနှီး အပြန်အလှန်ဆွေးနွေးမေးမြန်းခဲ့ပြီး တိုင်းဒေသကြီး ဝန်ကြီးချုပ်က စျေးအတွင်း သန့်ရှင်းရေးလုပ်ငန်းများ စနစ်တကျဆောင်ရွက်ကြရန်၊ အပတ်စဥ်ဗုဒ္ဓဟူးနေ့နှင့် တနင်္ဂနွေနေ့တိုင်း ပလတ်စတစ်အိတ်အသုံးမပြုရနေ့ သတ်မှတ် ထားရာမှ တိုးမြှင့်နိုင်ရေးနှင့် ကျန်းမာရေးနှင့် ညီညွတ်သော စားသောက်ကုန်များအား ရောင်းချဝယ်ယူကြရန် မှာကြားခဲ့ပြီး စျေးအတွင်း လှည့်လည်ကြည့်ရှုစစ်ဆေးခဲ့ကြောင်း သိရ သည်။
လှမင်းထွဋ်
https://t.me/MyanmarNationalPost
No comments:
Post a Comment