MNP ၊ ဇွန် ၁၁
တည်ငြိမ်အေးချမ်းမှု ပျက်ပြားစေရန်နှင့် အပြစ်မဲ့ ရဟန်းရှင်လူပြည်သူများအပေါ် ယုတ်မာရိုင်းစိုင်းသော လုပ်ရပ်များ ကျူးလွန်လျက်ရှိသည့် NUG(NLD) အကြမ်းဖက်အဖွဲ့၏ သြဇာခံ ဖမ်းဆီးရမိ PDF အကြမ်းဖက်သမားများနှင့် အကြမ်းဖက်အားပေးသူများအား စစ်ခုံရုံးဖြင့်စစ်ဆေးပြီး ၉-၆-၂၀၂၃ ရက်နေ့က ပြစ်ဒဏ်များချမှတ်ခဲ့ကြောင်း သိရသည်။
ဟားခါးမြို့နယ်တွင် နေထိုင်လျက်ရှိပြီး အများပြည်သူများ အထင်အမြင်လွဲမှားစေရန် လူမှုကွန်ရက်ပေါ်တွင် မဟုတ်မမှန်သတင်းများ ရေးသားဖြန့်ဝေသူ တရားခံ ဆလိုင်းယောသတ်ဗန်ဒူးထန်အား စစ်အုပ်ချုပ်ရေး (Martial Law) စစ်ခုံရုံးဖြင့် စစ်ဆေးခဲ့ပြီး ရာဇသတ်ကြီးပုဒ်မ ၅၀၅-က(ခ)အရ အလုပ်ကြမ်းနှင့်ထောင်ဒဏ် ၃ နှစ် ချမှတ်ခဲ့ကြောင်း သိရသည်။
ထို့အတူ ဟားခါးမြို့နယ်တွင် နေထိုင်လျက်ရှိပြီး CDF အကြမ်းဖက်များထံက ပြောက်ကျားဝတ်စုံနှင့် သေနတ်အား ယူဆောင်၍ ဓာတ်ပုံရိုက်ကူးခဲ့ပြီး CDF အကြမ်းဖက်များနှင့် ပတ်သတ်ဆက်နွယ်သူ တရားခံ လာလ်ထန်ဇမ်းအား စစ်အုပ်ချုပ်ရေး (Martial Law) စစ်ခုံရုံးဖြင့် စစ်ဆေးခဲ့ပြီး အကြမ်းဖက်မှုတိုက်ဖျက်ရေးဥပဒေ ပုဒ်မ ၅၂(က) အရ အလုပ်ကြမ်းနှင့်ထောင်ဒဏ် ၇ နှစ် ချမှတ်ခဲ့ကြောင်း သိရသည်။
စစ်အုပ်ချုပ်ရေး (Martial Law) ကြေညာထားသည့် အနောက်မြောက်တိုင်း စစ်ဌာနချုပ်နယ်မြေအတွင်း အကြမ်းဖက်လုပ်ငန်းများ လုပ်ဆောင်နေသူများအား စစ်အုပ်ချုပ်ရေး(Martial Law)ကြေညာထားသည့် မြို့နယ်များတွင် စစ်ခုံရုံးဖြင့် စစ်ဆေးစီရင်၍ ပြစ်မှုကျူးလွန်သူ (၁၃၂) ဦးအား ပြစ်ဒဏ်များချမှတ်ခဲ့ပြီးဖြစ်ကြောင်း သိရသည်။
#MyanmarNationalPost
No comments:
Post a Comment