MNP ၊ ဇူလိုင် ၂၀
ရခိုင်ပြည်နယ်၊ သံတွဲခရိုင်၊ သံတွဲမြို့၌ ၂၀၂၃-၂၀၂၄ ပညာသင်နှစ်၊ ကျောင်းကောင်စီ ကတိသစ္စာခံယူပွဲကို အ.ထ.က (၁) ကျောင်းခန်းမတွင် ယမန်နေ့ မွန်းလွဲ (၂) နာရီအချိန်၌ ကျင်းပ ပြုလုပ်ခဲ့သည်။
ဆက်လက်၍ ကျောင်းကောင်စီသီချင်းအား သံပြိုင်သီဆိုကာ အခမ်းအနားဖွင့်လှစ်ခဲ့သည်။ အ.ထ.က (၁) ကျောင်းအုပ်ကြီးကိုယ်စား ဆရာမဒေါ်ဝင်းဝင်းတင်က အဖွင့်အမှာစကားပြောကြားပြီး ကျောင်းကောင်စီ ဒု-ဥက္ကဋ္ဌ အထက်တန်းပြဆရာမ ဒေါ်မိုးမိုးတင်က ကျောင်းကောင်စီ အမှုဆောင် အဖွဲ့အမည်စာရင်းကို ဖတ်ကြား ခဲ့သည်။ ကျောင်းကောင်စီအမှုဆောင်အဖွဲ့ ကတိသစ္စာခံယူခြင်းနှင့် တစ်ကျောင်းလုံးသစ္စာခံယူခြင်းကို Grade 12 မှ ကျောင်းကောင်စီအတွင်းရေးမှူး မောင်မင်းခန့်ဦးက ဦးဆောင်တိုင်ကြားသည်။
ထို့နောက် တာဝန်အထိမ်းအမှတ် အလံများပေးအပ်ခြင်းနှင့် လက်ခံရယူခြင်းကို ကျောင်းအုပ်ကြီးကိုယ်စား ဆရာမဒေါ်ဝင်းဝင်းတင်က ပေးအပ်ကာ အသင်း ခေါင်းဆောင်များက အသီးသီး လက်ခံရယူခဲ့သည်။ ၎င်းနောက် ဆရာ/ဆရာမများနှင့် ကျောင်းသား/ကျောင်းသူများက နိုင်ငံတော်သီချင်းကို စုပေါင်းသံပြိုင်သီဆိုပြီး အခမ်းအနားကို ရုတ်သိမ်းခဲ့ကြကြောင်း သိရသည်။
နေမျိုးအောင်
https://t.me/MyanmarNationalPost
No comments:
Post a Comment