MNP ၊ ဇူလိုင် ၂၄
ရန်ကုန်တိုင်းဒေသကြီး၊ မရမ်းကုန်းခရိုင်၊ မရမ်းကုန်းမြို့နယ် ကမ္ဘာအေးဘုရားလမ်းရှိ ပြန်လည်ထူထောင်ရေးဦးစီးဌာန၊ မူးယစ်ဆေးဖြတ်ပြီးသူများပြန်လည်ထူထောင်ရေးစခန်း(ရန်ကုန်)ရှိ Drug Training Center ၌ ယနေ့နံနက် ၁၀း၀၀ နာရီက စေတနာ့ဝန်ထမ်းမူးယစ်ကြီးကြပ်ရေးမှူး သင်တန်း(၂/၂၀၂၃)ဖွင့်လှစ်ခဲ့သည်။
ရှေးဦးစွာလူမှုဝန်ထမ်းဦးစီးဌာန၊ ရန်ကုန်တိုင်းဒေသကြီးရုံး ဒုတိယညွှန်ကြားရေးမှူး ဦးကျော်သူနိုင်က အဖွင့်အမှာစကားပြောကြားခြင်း၊ ပြန်လည်ထူထောင်ရေးဦးစီးဌာန၊ မူးယစ်ဆေး ဖြတ်ပြီးသူများ ပြန်လည်ထူထောင်ရေးစခန်း(ရန်ကုန်)ဒုတိယညွှန်ကြားရေးမှူးဒေါ်ခင်ဆွေလှိုင်က ယခုဖွင့်လှစ်သောသင်တန်းသည် ပြန်လည်ထူထောင်ရေးခံယူပြီးသူများအနေဖြင့် ရပ်ရွာထဲရောက်ရှိသည့်အခါဆေးပြန်လည်မသုံးစွဲစေရေး ပူးပေါင်းဆောင်ရွက်သွားရန်၊ မူးယစ်ဆေးသုံးစွဲသူ ပပျောက်သွားစေရန်၊ ဆုံးရှုံးနေသည့် မူးယစ်ဆေးစွဲနေသူလူငယ်များ၏လုပ်အားများ နိုင်ငံတော်ကုန်ထုတ်လုပ်ငန်းများတွင် အံဝင်ခွင်ကျပြန်လည်အသုံးပြုနိုင်ရန်၊ ရပ်ရွာအခြေပြုပြန်လည် ထူထောင်ရေးစနစ် ပြန့်ပွားခိုင်မာလာအောင်ဆောင်ရွက်ပေးရန်စသည် ရည်ရွယ်ချက်များဖြင့် ဖွင့်လှစ်ခြင်းဖြစ်ကြောင်း ရှင်းလင်းပြောကြားပြီး မူးယစ်ဆေးစွဲသူများ ပြန်လည်ထူထောင်ရေး အသင်း(မြန်မာ)ဗဟိုမှ ဥက္ကဋ္ဌ ဦးစံရှိန်က နှုတ်ခွန်းဆက်စကားပြောကြားခဲ့သည်။
အဆိုပါသင်တန်းကာလမှ(၂၄.၇.၂၀၂၃)ရက်နေ့မှ (၂၈.၇.၂၀၂၃)ရက်နေ့အထိ တစ်ပတ်တာ သင်ကြားပို့ချသွားမည်ဖြစ်ကြောင်းနှင့် သင်တန်းသား(၂၀)ဦး တက်ရောက်သင်ကြားမည်ဖြစ်ကြောင်း သိရသည်။
အေးအေးအောင်
https://t.me/MyanmarNationalPost
No comments:
Post a Comment