MNP ၊ ဇူလိုင် ၁၉
မိုးသည်းထန်စွာရွာသွန်းပြီး တောင်ကျရေလိမ့်ဆင်းမှုကြောင့် မွန်ပြည်နယ်၊ ရေးမြို့နယ်၊ ဟံဂံကျေးရွာအတွင်း ရေကြီးရေလျှံမှုဖြစ်ပွားနေကြောင်း သိရသည်။
မိုးသည်းထန်စွာရွာသွန်းပြီး တောင်ကျရေလိမ့်ဆင်းလာမှုကြောင့် ယနေ့နံနက်(၃)နာရီအချိန်မှစတင်ကာ ဟံဂံကျေးရွာအတွင်းသို့ ရေများစတင်ဝင်ရောက်လာကြောင်းနှင့် လက်ရှိဟံဂံကျေးရွာ အနိမ့်ပိုင်းရပ်ကွက်များဖြစ်ကြသည့် ရပ်ကွက် ၂/၃/၇/၈ အပိုင်းများတွင် ရေကြီးရေလျှံမှုဖြစ်ပွားပြီး နေအိမ်တချို့အတွင်း ရေများဝင်ရောက်လျက်ရှိကြောင်း သိရသည်။
“ရွာလယ်လမ်းပေါ်မှာကို ရေက(၃)ပေကျော်ကျော်လောက်ရှိတယ်။ တချို့နေရာတွေမှာ ရေက ရင်ညွန့်လောက်ဖြစ်နေတယ်။ ရေကတော့ အခုမနက်(၈)နာရီအချိန်အထိကို ဆက်တိုးနေတယ်။ ဒီ့ထက်ရေပိုများလာရင် ကယ်ဆယ်ရေးလုပ်ရတော့မယ့် အခြေအနေဖြစ်လာနိုင်တယ်”ဟု ဒေသခံတစ်ဦးကပြောကြားသည်။
လက်ရှိ ဟံဂံကျေးရွာအနိမ့်ပိုင်း ရပ်ကွက်များတွင် နေထိုင်ကြသူ တချို့ရေဘေးလွတ်လာသို့ ပြောင်းရွေ့နေကြကြောင်း သိရသည်။
https://t.me/MyanmarNationalPost
No comments:
Post a Comment