MNP ၊ ဇူလိုင် ၂၉
ရခိုင်ပြည်နယ်၊ စစ်တွေခရိုင်၊ ပေါက်တောမြို့နယ်၌ အသက် ၈၅ နှစ်နှင့်အထက် ဘိုးဘွားများအား ယနေ့နံနက်ပိုင်းက လူမှုရေးပင်စင်ထောက်ပံ့ငွေများကို မြို့နယ်စီမံအုပ်ချုပ်ရေးအဖွဲ့ ၏စီမဲံဆောင်ရွက်မှုဖြင့် ပေါက်တောမြို့နယ် လူမှုဝန်ထမ်းဦးစီးဌာနမှ မြို့နယ်ဦးစီးမှူး ဒေါ်သဇင်မိုးနှင့် ဝန်ထမ်းများ၊ မြို့နယ်အမျိုးသမီးရေးရာနှင့် မိခင်နှင့်ကလေးအဖွဲ့တို့သည် အိမ်တိုင်ရာရောက် သွားရောက်ပေးအပ်ကြကြောင်းသိရသည်။
ပေါက်တောမြို့နယ်၌ ၂၀၂၃ -၂၀၂၄ ခု ဘဏ္ဍာရေးနှစ် ပထမသုံးလပတ် ဧပြီ၊ မေ၊ ဇွန်လများအတွက် ပေါက်တောမြို့နယ်၌ အသက် ၈၅ နှစ်နှင့်အထက် ဘိုးဘွား ၄၈၁ ဦးအတွက် တစ်ဦးလျှင် လူမှုရေးပင်စင်ထောက်ပံ့ငွေ ၃၀၀၀၀/- ကျပ်ဖြင့် စုစုပေါင်း တစ်ရာ့လေးဆယ့်လေးသိန်းသုံးသောင်းကျပ် တိတိကို အသီးသီးပေးအပ်လျက်ရှိကြောင်းသိရသည်။
ထို့ပြင် သက်ဆိုင်ရာ ရပ်ကွက်၊ကျေးရွာအုပ်စု အုပ်ချုပ်ရေးမှူးများမှတဆင့်အသီးသီး ထောက်ပံ့ပေးအပ်လျက်ရှိကြောင်း သိရသည်။
https://t.me/MyanmarNationalPost
No comments:
Post a Comment