မာန်အောင်မြို့တွင် သွေးလွန်တုပ်ကွေးရောဂါ မဖြစ်ပွားစေရန် အဘိတ်ဆေးခတ်ခြင်းနှင့်ဖုံး၊သွန်၊လဲ၊စစ် လုပ်ငန်းများဆောင်ရွက်

MNP ၊ ဇူလိုင် ၂၂

ရခိုင်ပြည်နယ် မာန်အောင်မြို့တွင် သွေးလွန်တုပ်ကွေး ရောဂါမဖြစ်ပွားစေရန် ကြိုတင်ကာကွယ်နိုင်ရေးအတွက် ယနေ့ နံနက်ပိုင်းက မြို့သစ်ရပ်ကွက်နှင့်မြို့မရပ်ကွက်အတွင်း အဘိတ်ဆေးခတ်ခြင်း၊ရေတွင်း ရေကန်များစစ်ဆေးခြင်းနှင့် ဖုံး၊သွန်၊ လဲ၊စစ် လုပ်ငန်းများ အား ကွင်းဆင်းဆောင်ရွက်ခြင်း၊ သွေးလွန်တုပ်ကွေး ရောဂါအသိပညာပေးခြင်းလုပ်ငန်းများကို ဆောင် ရွက်ခဲ့ကြသည်။

    ထိုသို့ ကွင်းဆင်းဆောင်ရွက်ရာတွင် မြို့နယ်အုပ်ချုပ်ရေးမှူး ဦးမင်းဇော်ဟိန်းနှင့်ဝန်ထမ်းများ၊ မြို့နယ် ကျန်းမာရေးဦးစီးဌာနမှူး ဒေါက်တာစောမင်းနှင့်ကျန်းမာရေး ဝန်ထမ်းများ၊မြို့နယ်မီးသတ်တပ်ဖွဲ့ဝင်များ၊အမျိုးသမီးရေးရာအဖွဲ့ဝင်များ၊မိခင်နှင့်ကလေးစောင့်ရှောက်ရေးအသင်းဝင်များကသွေးလွန်တုပ်ကွေး ကြိုတင်ကာကွယ်ရေးအတွက် အဖွဲ့နှစ်ဖွဲ့ခွဲ၍ မြို့သစ်ရပ်ကွက်နှင့်မြို့မရပ်ကွက်အတွင်းရှိ လူနေအိမ်များတွင် ထားရှိသည့် ရေစည်ပိုင်း၊ ရေတိုင်ကီ၊ စဥ့်အိုးများနှင့် ခြင်ခိုအောင်းနိုင်သော ရေတွင်းရေကန်များ ထဲသို့ အဘိတ်ဆေး များခတ်ပေးခြင်း၊ နေအိမ်များရှိ ဘုရားပန်းအိုးများကို ဖုံး၊ သွန်၊ လဲ၊ စစ် များပြုလုပ်ပေးခြင်းနှင့် ရေတွင်းရေကန်များအား စစ်ဆေးခြင်းများဆောင်ရွက်ပြီး သွေးလွန်တုပ်ကွေးရောဂါ ကြိုတင်ကာကွယ်ရေးအတွက် အသိပညာပေးလုပ်ငန်းများ ဆောင်ရွက်ပေးခဲ့ ကြောင်းသိရသည်။

ဦးသိန်းဖေ

https://t.me/MyanmarNationalPost