MNP ၊ ဇူလိုင် ၂၄
မန္တလေးတိုင်းဒေသကြီး၊ မိတ္ထီလာခရိုင် ဝမ်းတွင်းမြို့နယ်အတွင်းရှိ ကျေးရွာနှစ်ရွာတွင် ဆောင်ရွက်လျက်ရှိသည့် မြေသားရေကန် တူးဖော်ပြုပြင်ခြင်းလုပ်ငန်းများအား ယမန်နေ့က တာဝန်ရှိသူများက ကွင်းဆင်းစစ်ဆေးခဲ့ကြောင်း ခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။
မိတ္ထီလာခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ကြီးကြပ်မှုအောက်ရှိ ဝမ်းတွင်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၃-၂၀၂၄ ဘဏ္ဍာရေးနှစ်တွင် တိုင်းဒေသကြီး ရန်ပုံငွေ ကျပ် ၉.၁ သန်းဖြင့် ပဲနံသာကျေးရွာအုပ်စု သပြေရိုးကျေးရွာတွင် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ တာဝန်ယူပြီး အလျား ပေ ၁၈၀ ၊ အနံ ပေ ၁၀၀၊ အနက် ၄ပေရှိ မြေသားရေကန်တူးဖော်ပြုပြင်ခြင်း လုပ်ငန်းနှင့် တုံကင်(၄)စုံ တပ်ဆင်ခြင်း လုပ်ငန်းများကို ဇွန်လ ၂၆ ရက်နေ့မှ စတင်၍ ဆောင်ရွက်လျက်ရှိသည်။ ၎င်းအပြင် ၂၀၂၃-၂၀၂၄ ဘဏ္ဍာရေးနှစ်တွင် တိုင်းဒေသကြီးရန်ပုံငွေ ကျပ် ၂၉.၁၆ သန်းဖြင့် ဘုရားဖြူကျေးရွာအုပ်စု ဘုရားဖြူကျေးရွာတွင် အလျား ပေ ၄၀၀ ၊ အနံ ပေ ၂၀၀ ၊ အနက် ၃ပေရှိ မြေသား ရေကန်တူးဖော်ပြုပြင်ခြင်းလုပ်ငန်းနှင့် လှေကားတပ်ဆင်ခြင်းလုပ်ငန်းများကို ဇူလိုင်လ ၇ ရက်နေ့မှ စတင်၍ ဆောင်ရွက်လျက်ရှိသည်။ အဆိုပါ ကျေးလက်ရေ ရရှိရေး လုပ်ငန်းများကို ခရိုင်ကျေးလက် ဒေသဖွံ့ဖြိုးတိုးတက်ရေးဦးစီးဌာနမှ ဒုတိယညွှန်ကြားရေးမှူး ဒေါ်မြင့်ဝင်းနှင့် တာဝန်ရှိသူများက လုပ်ငန်းများ သတ်မှတ်ကာလအတွင်း အရည်အသွေးပြည့်မီစွာ ပြီးစီးနိုင်ရေး ကွင်းဆင်းစစ်ဆေးခဲ့ကြောင်း သိရသည်။
သိန်းမြင့်ကျော်
https://t.me/MyanmarNationalPost
No comments:
Post a Comment