လားရှိုးမြို့တွင် ၂၀၂၃ ခုနှစ် မိုးရာသီအပျော်တမ်း ဖိတ်ခေါ်ဘောလုံးပြိုင်ပွဲ ကျင်းပမည်

MNP ၊ ဇူလိုင် ၂၀

ရှမ်းပြည်နယ်(မြောက်ပိုင်း)၊ လားရှိုးခရိုင်အားကစားနှင့်ကာယပညာဦးစီးဌာနမှ ဦးဆောင်ကျင်းပသည့် ၂၀၂၃ ခုနှစ် မိုးရာသီအပျော်တမ်းဖိတ်ခေါ်ဘောလုံးပြိုင်ပွဲကို ဩဂုတ်လ ၁ ရက်နေ့တွင် စတင်ကျင်းပသွားမည်ဖြစ်ကြောင်း သိရသည်။  

ပြိုင်ပွဲတွင် အသင်းပေါင်း (၁၆) သင်း ဝင်ရောက်ယှဉ်ပြိုင်ကြမည်ဖြစ်ပြီး အုပ်စု(က)တွင် FC Brother ၊ WA YOUTH ၊ HANGOVER United ၊ A-1 အုပ်စု(ခ)တွင် WAN SU FC ၊ အမှတ်(၇)သံလွင်၊ SIAM TAI FC ၊ LASHIO City ၊ အုပ်စု(ဂ)တွင် RYDA FC၊ THAN LWIN FC ၊ ကြယ်တံခွန်၊ နမ့်ဆန်လူငယ်နှင့် အုပ်စု(ဃ)တွင် UNITED DEVIL FC ၊ LASHIO GYI ၊ အာရောဂျံ ၊ MASTER KEY FC အသင်းတို့ ဝင်ရောက်ယှဉ်ပြိုင်ကြမည်ဖြစ်ကြောင်း သိရသည်။

ပြိုင်ပွဲတွင် အုပ်စုလေးစုဖြင့် တစ်အုပ်စုလျှင် လေးသင်းစီဖြင့် အသင်းပေါင်း (၁၆)သင်း ဝင်ရောက် ယှဉ်ပြိုင်ကြမည်ဖြစ်ပြီး ဗိုလ်လုပွဲစဉ်ကို ဩဂုတ်လ ၂၆ ရက်နေ့တွင် ကျင်းပပြုလုပ်သွားမည်ဖြစ်ကြောင်း သိရသည်။  

စိုင်းထွန်

https://t.me/MyanmarNationalPost