MNP ၊ ဇူလိုင် ၁၉
ရှမ်းပြည်နယ်(တောင်ပိုင်း)၊ မိုင်းနောင်မြို့ အခြေခံပညာအထက်တန်းကျောင်းတွင် (၇၆)နှစ်မြောက် အာဇာနည်နေ့ ဟောပြောပွဲနှင့် ဆုပေးပွဲ အခမ်းအနားကို ယမန်နေ့ ညနေ(၃)နာရီအချိန်တွင် ဆောင်ရွက်ခဲ့ကြောင်း သိရသည်။
ရှေးဦးစွာ အခမ်းအနား တက်ရောက်လာကြသော ဆရာကြီးနှင့်ဆရာ/ဆရာမများ၊ ကျောင်းသား၊ကျောင်းသူများက နိုင်ငံတော်အလံနှင့် ကျဆုံးလေပြီးသော အာဇာနည်ခေါင်းဆောင်ကြီးများအား အလေးပြုကာ ကျောင်းအုပ်ဆရာကြီး ဦးဇော်မြင့်သိန်းက အဖွင့်အမှာစကား ပြောကြားခဲ့သည်။ ဆက်လက်၍ ဆွေးနွေးဟောပြောသူများက အာဇာနည်နေ့ ဖြစ်ပေါ်လာပုံ၊ (၁၉)ဇူလိုင် မမေ့နိုင်၊ အာဇာနည်တိုင်း သမိုင်းမမေ့ ခေါင်းစဥ်များဖြင့် ဟောပြောခဲ့ပြီး စာစီစာကုံး၊ပန်းချီ၊ဆေးရောင်ခြယ်ပြိုင်ပွဲ ဆုရရှိသူများအား ဆုများ ချီးမြှင့်ခဲ့ကြောင်း သိရသည်။
အဆိုပါ အာဇာနည်နေ့ ဟောပြောပွဲနှင့် ဆုပေးပွဲအခမ်းအနားသို့ ကျောင်းအုပ်ဆရာကြီးနှင့် ဆရာ/ဆရာမများ၊ ကျောင်းသား၊ကျောင်းသူများ စုစုပေါင်းအင်အား (၃၀၀)ဦး တက်ရောက်ခဲ့ကြောင်း သိရသည်။
မနန်း
https://t.me/MyanmarNationalPost
No comments:
Post a Comment