MNP ၊ ဇူလိုင် ၂၀
မန္တလေးတိုင်းဒေသကြီး၊ မိုးကုတ်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre) ခန်းမ၌ (၇၆) နှစ်မြောက် အာဇာနည်နေ့အထိမ်းအမှတ် အသိပညာပေး (Talk Show) ဆွေးနွေးပွဲကို ယမန်နေ့နံနက် (၉:၃၀) နာရီအချိန်က ကျင်းပ ပြုလုပ် ခဲ့ကြောင်းသိရသည်။
ရှေးဦးစွာ အသိပညာပေး (Talk Show) ဆွေးနွေးပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ကြည်ကြည်နွဲ့က ဆွေးနွေးပွဲကျင်းပပြုလုပ်ရခြင်း၏ ရည်ရွယ်ချက်ကို ရှင်းလင်းပြောကြားပြီး အာဇာနည်နေ့ ဖြစ်ပေါ်လာပုံ သမိုင်းအကြောင်းအရာများ၊ လွတ်လပ်ရေး ကြိုးပမ်းမှုဆောင်ရွက်ချက် များနှင့် လွတ်လပ်ရေးကို တန်ဖိုးထား ထိန်းသိမ်းကာကွယ်စောင့်ရှောက်ရေး စသည်တို့ကို ဆွေးနွေးပြောကြားခဲ့ကြောင်း သိရသည်။
ဆက်လက်ပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်နန်းခွာညိုနှင်းက အာဇာနည်ခေါင်းဆောင်ကြီး (၉) ဦး၏ အတ္ထုပ္ပတိ အကြောင်းအရာများ၊ အာဇာနည်နေ့ အထိမ်းအမှတ်အဖြစ် အခမ်းအနားများပြုလုပ်ခြင်း၊ ကုသိုလ်ကောင်းမှုပြုလုပ်ပေးခြင်း၊ စာပေဟောပြောပွဲ၊ ပြပွဲ/ ပြိုင်ပွဲများ ကျင်းပပြုလုပ်ခြင်းဖြင့် ပြည်သူများ၊ ကျောင်းသား/သူများအနေဖြင့် အာဇာနည်နေ့ကိူ မပျောက်ပျက်အောင် ထိန်းသိမ်းစောင့်ရှောင်ခြင်း စသည့်အကြောင်းအရာ များကို ဖြည့်စွက်ဆွေးနွေးပြောကြားခဲ့ကြောင်း သိရသည်။
ကြည်ကြည်နွဲ့
https://t.me/MyanmarNationalPost
No comments:
Post a Comment