MNP ၊ ဇူလိုင် ၁၂
ရှမ်းပြည်နယ်(အရှေ့ပိုင်း)၊ မိုင်းယန်းခရိုင်၊ မိုင်းယန်းမြို့နယ် မိုင်းလွေကျေးရွာအုပ်စု ကျေးရွာများအတွင်းရှိ အသက်(၈၅)နှစ်နှင့်အထက် ဘိုးဘွားများအား နိုင်ငံတော်မှ ထောက်ပံ့ပေး အပ်သောလူမူရေး ပင်စင်ထောက်ပံ့ငွေများအား ယနေ့ နံနက် ၁၀ နာရီက တာဝန်ရှိသူများမှ ကျေးရွာများအရောက် သွားရောက်ထောက်ပံ့ပေးခဲ့ကြောင်း သိရသည်။
အဆိုပါ ထောက်ပံ့ငွေများပေးအပ်ရာတွင် မြို့နယ်အုပ်ချုပ်ရေးမှူး ဦးအောင်ဇင်ဦး၊ မြို့နယ်လူမူဝန်ထမ်းဦးစီးဌာန၊ မြို့နယ်ဦးစီးမှူး ဒေါ်သန်းသန်းစိုး၊ သက်ဆိုင်ရာ ရပ်ကျေးစာရေးနှင့် ကျေးရွာအုပ်ချုပ်ရေးမှူးများတို့မှ ကျေးရွာများအတွင်းရှိ အသက်(၈၅)နှစ်နှင့် အထက်ဘိုးဘွား (၁၅)ဦးရှိပြီး တစ်ဦးလျှင် (၃၀၀၀၀)ကျပ်နှုန်းဖြင့် စုစုပေါင်း ငွေကျပ် (၄၅၀၀၀၀)ကျပ်အား ကျေးရွာများအရောက် သွားရောက်ထောက်ပံ့ပေးအပ်ခဲ့ကြကြောင်း သိရသည်။
ထွန်းထွန်းထူး
https://t.me/MyanmarNationalPost
No comments:
Post a Comment