MNP ၊ ဩဂုတ် ၄
ပြည်ထောင်စုနယ်မြေ၊ ပြန်လည်ထူထောင်ရေးဦးစီးဌာနမှ ကြီးမှူးဖွင့်လှစ်သည့် မသန်စွမ်းမှုအဆင့်သတ်မှတ်ခြင်းနှင့် မသန်စွမ်းသူများမှတ်ပုံတင်ခြင်းသင်တန်းကို ယမန်နေ့နံနက်ပိုင်းက ဇမ္ဗူသီရိမြို့နယ်၊ အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ဖွင့်လှစ်ခဲ့သည်။
အဆိုပါသင်တန်းတွင် ကျန်းမာရေးဝန်ကြီးဌာန၊ ကုသရေးဦးစီးဌာနမှ ဒုတိယညွှန်ကြားရေးမှူး ဒေါက်တာဖြိုးဝေလင်း၊ ပြည်ထောင်စုနယ်မြေ၊ ပြန်လည်ထူထောင်ရေးဦးစီးဌာနမှ ညွှန်ကြားရေးမှူး ဦးစည်သူဝင်းနှင့် လက်ထောက်ညွှန်ကြားရေးမှူး ဒေါ်အေးစံလင်းတို့က မသန်စွမ်းမှုအဆင့်သတ်မှတ်ခြင်းနှင့် မသန်စွမ်းသူများ မှတ်ပုံတင်ခြင်းဆိုင်ရာများ၊ ကလေးသူနာငယ်များအတွက် အကဲဖြတ်ဆန်းစစ်မှုဆိုင်ရာများကို ဆွေးနွေးပို့ချသည်။
အဆိုပါ သင်တန်းကို မြို့နယ်အတွင်းရှိ ရပ်/ကျေးအုပ်ချုပ်ရေးမှူးများ၊ ရပ်/ကျေး စာရေးများ၊ လူမှုရေးအသင်းအဖွဲ့ဝင်များနှင့် ရပ်မိရပ်ဖများ စုစုပေါင်း ၈၆ ဦး တက်ရောက်သင်ကြားလျက်ရှိပြီး သင်တန်းကာလမှာ ဩဂုတ် ၃ ရက်မှ ဩဂုတ် ၄ ရက်နေ့ထိ ဖွင့်လှစ်သင်ကြားသွားမည်ဖြစ်ကြောင်း သိရသည်။
ဟိန်းသူအောင်
https://t.me/MyanmarNationalPost
No comments:
Post a Comment