MNP ၊ ဩဂုတ် ၁၅
ရှမ်းပြည်နယ် (မြောက်ပိုင်း) မိုးမိတ်ခရိုင် ခရိုင်နှင့်နှင့်မြို့နယ်မီးသတ်ဦးစီးဌာနမှ မီးဘေးလုံခြုံရေး အသိပညာပေးဟောပြောပွဲကို အမှတ်(၁)အခြေခံပညာအထက်တန်း ကျောင်း၌ ယနေ့ နံနက် ၁၀ နာရီအချိန်က ဆောင်ရွက်ခဲ့ကြောင်းသိရသည်၊
ထိုသို့ဆောင်ရွက်ရာတွင်ခရိုင်မီးသတ်ဦးစီးမှူး ဦးပြည့်စိုးထွဋ်က မီးလောင်ကျွမ်းမှုဖြစ်စဉ်များ အားရှင်းလင်းပြောကြားခဲ့ပြီး မြို့နယ်မီးသတ်ဦးစီးမှူး ဦးဇော်မော်က မီးဘေးအန္တရာယ်သတိရှိစေရေး အတွက် ၂၀၁၅ ခုနှစ်မတ်လ ၁၅ ရက် မီးသတ်တပ်ဖွဲ့ဥပဒေပုဒ်မ (၁၆-က )အရ အပ်နှင်းထားသော လုပ်ပိုင်ခွင့်ကိုကျင့်သုံးလျှက် မီးသတိမူရေး၊ မီးဘေးကြိုတင်ကာကွယ်တားဆီးရေးဆိုင်ရာညွှန်ကြားချက် များကို ရှင်းလင်းဟောပြောခဲ့သည်။
ဆက်လက်ပြီး လက်တွေ့မီးငြိမ်းသတ်ရေးသရုပ်ပြရာတွင် မီးသတ်ဆေးဗူးအသုံးပြုပုံ၊ ရေစိုစောင်ဖြင့်ဖုံးအုပ်ငြိမ်းသတ်၍သရုပ်ပြခြင်းတို့ကို ကျောင်းသား၊ ကျောင်းသူများနှင့် မီးသတ်တပ်ဖွဲ့ ဝင်များက သရုပ်ပြဆောင်ရွက်ခဲ့ကာ မီးသတ်ကားနှင့်အဆင့်မြှင့် ရှာဖွေကယ်ဆယ်ရေးသုံးပစ္စည်းကိရိယာများ၏ အသုံးပြုပုံများအား ကျောင်းသား၊ ကျောင်းသူများက လေ့လာကြည့်ရှုခဲ့ကြောင်း သိရသည်။
စည်သူဌေး
https://t.me/MyanmarNationalPost
No comments:
Post a Comment