MNP ၊ ဩဂုတ် ၁၉
ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်တွင် ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းပါ တိုင်းဒေသကြီးရန်ပုံငွေဖြင့် ဆောင်ရွက်မည့် နိုင်ငံပိုင်အခန်း ရင်းနှီးမြုပ်နှံမှုဆိုင်ရာလုပ်ငန်းများ စိစစ်အတည်ပြုညှိနှိုင်းဆွေးနွေးခြင်းကို သြဂုတ်လ (၁၈) ရက်နေ့ နံနက် (၁၀) နာရီအချိန်က ဖျာပုံမြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်သည်။
အဆိုပါ ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းပါ တိုင်းဒေသကြီးရန်ပုံငွေဖြင့် ဆောင်ရွက်မည့် နိုင်ငံပိုင်အခန်း ရင်းနှီးမြုပ်နှံမှုဆိုင်ရာလုပ်ငန်းများ စိစစ်အတည်ပြုခြင်းအခမ်းအနားတွင် မြို့နယ်စီမံကိန်းရေးဆွဲအကောင်အထည်ဖော်ရေးဥက္ကဋ္ဌ မြို့နယ်အုပ်ချုပ်ရေးမှူး ဦးသက်ထားမောင်က အဖွင့်အမှာစကားပြောကြားပြီး မြို့နယ်စီမံကိန်းဦးစီးမှူးက မြို့နယ်စီမံကိန်းဝင်ဌာနဆိုင်ရာများအနေဖြင့် ရင်းနှီးမြှပ်နှံမှုဆိုင်ရာလုပ်ငန်းများ စိစစ်အတည်ပြုနိုင်ရေးနှင့် ပတ်သက်၍ ရှင်းလင်းဆွေးနွေး ပြောကြားသည်။
ထို့နောက် မြို့နယ်အတွင်းရှိ ဌာနဆိုင်ရာများက ၂၀၂၄-၂၀၂၅ ဘဏ္ဍာရေးနှစ်၊ ဒေသန္တရစီမံကိန်းပါ တိုင်းဒေသကြီးရန်ပုံငွေဖြင့် ဆောင်ရွက်မည့် နိုင်ငံပိုင်အခန်း ရင်းနှီးမြုပ်နှံမှုဆိုင်ရာလုပ်ငန်းများနှင့် ပတ်သက်၍ ပထမဦးစားပေး၊ ဒုတိယဦးစားပေး ဆွေးနွေးတင်ပြကြရာ၊ မြို့နယ်စီမံကိန်းရေးဆွဲအကောင်အထည်ဖော်ဆောင်ရေးအဖွဲ့ဥက္ကဋ္ဌမှ ပေါင်းစပ်ညှိနှိုင်း၍ လုပ်ငန်းများအတည်ပြုဆောင်ရွက်ပေးခဲ့ကြောင်း သိရှိသည်။
အောင်ဝင်းနိုင်
https://t.me/MyanmarNationalPost
No comments:
Post a Comment