နတ်တလင်းမြို့၌ လူငယ်ရေးရာအသိပညာပေးဟောပြောပွဲနှင့် စာဖတ်ရှိန်မြှင့်တင်ရေး ရွေ့လျားစာကြည့်တိုက်စနစ်ဖြင့် ဝန်ဆောင်မှုပေး

 

MNP ၊  ဩဂုတ်  ၁၈

ပဲခူးတိုင်းဒေသကြီး၊ နတ်တလင်းမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနကကျောင်းသား၊ ကျောင်းသူလေးများအားလပ်သည့်အချိန်တွင် စာအုပ်စာစောင်များလေ့လာဖတ်ရှုသည့်အလေ့အကျင့် ကောင်းများ၊ အသိပညာဗဟုသုတများရရှိစေရန်ရည်ရွယ်၍ လူငယ်ရေးရာအသိပညာပေး ဟောပြောပွဲနှင့် စာဖတ်ရှိန်မြှင့်တင်ရေး ရွေ့လျားစာကြည့်တိုက်စနစ်ဖြင့် ဝန်ဆောင်မှုပေးခြင်းလုပ်ငန်းကို ယမန်နေ့နံနက်ပိုင်းက ကံသာအ.မ.က(မူလွန်) ကျောင်း၌ ပြုလုပ်ခဲ့သည်။

ဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူးဒေါ်‌လဲ့ဝါမြင့်က ကျောင်းသား၊ ကျောင်းသူများအား လူကုန်ကူးမှုတားဆီးကာကွယ်ရေးအကြောင်းအရာများ၊ မူးယစ်ဆေးဝါးနှင့်ပက်သက်သည့်အကြောင်းအရာများ၊ စာဖတ်စေခြင်းရည်ရွယ်ချက်များ ၊စာဖတ်ခြင်းကြောင့်ရရှိနိုင်သောအကျိုးကျေးဇူးများကို အသိပညာပေးဟောပြောခဲ့သည်။

ထို့နောက် ဒုတိယဦးစီးမှူးဒေါ်ထားထားဦးနှင့်ဝန်ထမ်းများမှ ကျောင်းသား၊ ကျောင်းသူလေးများအား ကိုယ်လက်လေ့ကျင့်ခန်းများပြုလုပ်စေခြင်းနှင့် ရုပ်ပုံပါစာအုပ်ဖြင့်ပုံပြင်ပြောခြင်းများဆောင်ရွက်ခဲ့ပြီး ကျောင်းသား၊ ကျောင်းသူလေးများအား အသိပညာဗဟုသုတရရှိစေမည့် သဘာဝဘေးအန္တရာယ်ကြိုတင် ကာကွယ်ရေးအသိပညာပေးနံရံကပ်စာစောင်၊ လူကုန်ကူးမှုတားဆီးကာကွယ်‌ရေး အသိပညာနံရံကပ်စာစောင်နှင့် မူးယစ်ဆေးဝါအသိပညာပေးနံရံကပ်စာစောင်တို့ကို ပြသဆောင်ရွက်ခဲ့ကြောင်းသိရသည်။

ဝေယံဖြိုး 

https://t.me/MyanmarNationalPost