MNP ၊ သြဂုတ် ၂၇
မန္တလေးတိုင်း၊ ပျော်ဘွယ်မြို့နယ်၊ ရန်ကုန် - မန္တလေးသွားကားလမ်းဟောင်းတွင် သြဂုတ် (၂၆) ရက် ညပိုင်းက ဆီဘောက်ဆာကားနှင့် တွဲကား တိုက်မိပြီး ဆီဘောက်ဆာယာဉ်တိမ်းမှောက်ကာ ၃ဦး ဒဏ်ရာရရှိခဲ့ကြောင်း သိရသည်။
ယမန်နေ့ ည (၈) နာရီကျော်ခန့်က ပျော်ဘွယ်မြို့နယ်ရှိ ရန်ကုန် - မန္တလေး လမ်းဟောင်း၊ မိုင်တိုင်အမှတ် ၂၉၀/၇ အနီးတွင်တွင် ရန်ကုန်သီလဝါ ဆိပ်ကမ်းမှ မန္တလေးသို့ ထွက်ခွာလာသည့် ဂါလံ(၈၀၀၀)ဆံ့ ဆီဘောက်ဆာကားနှင့်မန္တလေးမှ ရန်ကုန်သို့ ထွက်ခွာလာသည့် တွဲကားတို တိုက်မိကာ ဆီဘောက်ဆာကား တိမ်းမှောက်ပြီး ဆီများယိုစိမ့်ခဲ့ကြောင်း၊ ဆီယိုစိမ့်မှုကြောင့် မီးလောင်မှုမဖြစ်ပွားစေရန် ပျော်ဘွယ်မြို့နယ်မီးသတ်စခန်း၊ ရမည်းသင်းခရိုင်မီးသတ်စခန်းတို့မှ တပ်ဖွဲဝင်များ၊ အရန်မီးသတ်တပ်ဖွဲဝင်များနှင့် လူမှုကူညီရေးအသင်းဝင်များက အအေးပေးခြင်းနှင့် ကူညီကယ်ဆယ်မှုများပြုလုပ်ခဲ့ကြကြောင်း သိရသည်။
ဖြစ်စဉ်အတွင်း ၃ဦး ထိခိုက်ဒဏ်ရာရရှိခဲ့ကြောင်း သိရသည်။
#MyanmarNationalPost
No comments:
Post a Comment