အမေရိကန်သည် အရပ်သားပြည်သူများကို ကယ်ထုတ်ရန် အစ္စရေးသို့ လေယာဉ်တင်သင်္ဘောအဖွဲ့ စေလွှတ်ထားကြောင်း တူရကီကာကွယ်ရေးဝန်ကြီးဌာနပြော

အစ္စတန်ဘူလ်၊ အောက်တိုဘာ ၁၉

ပါလက်စတိုင်း-အစ္စရေး ပဋိပက္ခဇုန်မှ အရပ်သားများကို ကယ်ထုတ်ရန်အတွက် အရှေ့ဘက်မြေထဲပင်လယ်သို့ လေယာဉ်တင်သင်္ဘောတစ်စင်း စေလွှတ်ထားကြောင်း အမေရိကန်က တူရကီအား အသိပေးခဲ့သည်ဟု TRT Haber TV ရုပ်သံလိုင်းမှ တူရကီကာကွယ်ရေးဝန်ကြီးဌာန ကိုယ်စားလှယ်တစ်ဦးကို ကိုးကား၍ ဖော်ပြခဲ့သည်။

"အမေရိကန်က နောက်ထပ် လေယာဉ်တင်သင်္ဘောအုပ်စုကို တာဝန်ပေးအပ်လိုက်ပြီလို့ ကြေညာထားပါတယ်။ အခုထိ မရောက်သေးပါဘူး။ ကျွန်တော်တို့ အမေရိကန် သတင်းရင်းမြစ်တွေက သူတို့ဟာ စစ်မှုတာဝန်တွေ ထမ်းဆောင်မှာ မဟုတ်ပေမယ့် အရပ်သားတွေကို ဘေးလွတ်ရာကို ကယ်ထုတ်မယ့် စစ်ဆင်ရေး တစိတ်တပိုင်းအနေနဲ့ ပါဝင်နေပါတယ်။ ဒီစစ်ဆင်ရေးတွေကို အနီးကပ် စောင့်ကြည့်နေပါတယ်” ဟု တူရကီစစ်တပ်က ပြောကြားခဲ့သည်။

ယခင်က အမေရိကန် ရေတပ်၏ ဆဌမမြောက် လေယာဉ်တင် သင်္ဘော Mount Whitney သည် Gaeta (အီတလီ) မှ အောက်တိုဘာလ ၁၈ ရက်နေ့တွင် ထွက်ခွာသွားကြောင်း သတင်းများ ထွက်ပေါ်ခဲ့ပြီး နောက်ပိုင်းတွင် မြေထဲပင်လယ် အရှေ့ဘက်ခြမ်းသို့ ဦးတည်သွားခဲ့သည်။ ရေတပ်၏ ဝက်ဘ်ဆိုဒ်မှ ထုတ်ပြန်ချက်အရ ၎င်းသည် ဒေသတွင်းတွင် အမေရိကန်နှင့် မဟာမိတ် ရေကြောင်းဆိုင်ရာ စွမ်းရည်များ ကျယ်ကျယ်ပြန့်ပြန့် တည်ဆောက်ရန် ကြိုးပမ်းမှု တစ်စိတ်တစ်ပိုင်းအဖြစ် ရေကြောင်းစစ်ဆင်ရေးနှင့် သံတမန်ရေး လှုပ်ရှားမှုများအတွင်း မဟာမိတ်များနှင့် မိတ်ဖက်တပ်ဖွဲ့များနှင့် အပြန်အလှန် တုံ့ပြန်သွားမည်ဟု သိရသည်။

လေယာဉ်တင်သင်္ဘော USS Gerald R. Ford သည် စစ်ဘက်သင်္ဘောသား ၄၅၀၀ ကျော်ကို တင်ဆောင်ပြီး ဒေသတွင်းသို့ ရောက်ရှိနေပြီဖြစ်သည်။ စုစုပေါင်း စစ်ဘက်ဝန်ထမ်း ၁၆၀၀ ကျော် သင်္ဘောငါးစင်းဖြင့် လိုက်ပါသွားခဲ့သည်။ လေယာဉ်တင်သင်္ဘော USS Dwight D. Eisenhower (သင်္ဘောပေါ်တွင် စစ်မှုထမ်း ၅၀၀၀) နှင့် အစောင့်သင်္ဘောသုံးစင်း (သင်္ဘောပေါ်တွင် စုစုပေါင်း အမေရိကန် စစ်မှုထမ်း ၁၀၀၀ ခန့်) ကိုလည်း အရှေ့အလယ်ပိုင်းသို့ တပ်ဖြန့်ချထားခဲ့သည်။

Ref - TASS

https://t.me/MyanmarNationalPost