ဂျော်ဒန်ဘုရင်က ဂါဇာကမ်းမြောင်ဒေသ ပဋိပက္ခရှည်ကြာနေရင် နိုင်ငံရေးအရ အဖြေရှာနိုင်မှာ မဟုတ်ဘူးလို့ဆို

ဘေရွတ်၊ နိုဝင်ဘာ ၇

အစ္စရေးနှင့် အစွန်းရောက် ပါလက်စတိုင်း လှုပ်ရှားမှု ဟားမတ်စ်တို့ကြား ပဋိပက္ခ ရှည်လျားလာခြင်းသည် ယခု ထိပ်တိုက်ရင်ဆိုင်မှု အတွက် နိုင်ငံရေး အဖြေကို ရှာဖွေရန် ခက်ခဲစေမည် ဖြစ်ကြောင်း ဂျော်ဒန် ဘုရင် Abdullah II က ဥရောပ ကောင်စီ ဥက္ကဋ္ဌ Charles Michel အား ပြောကြားခဲ့သည်။

"ဘုရင် Abdullah II၊ အိမ်ရှေ့မင်းသား Al Hussein နဲ့အတူ ဥရောပပါလီမန်ဥက္ကဋ္ဌ Roberta Metsola နဲ့ တွေ့ဆုံခဲ့ပြီး ဂါဇာကမ်းမြောင်စစ်ပွဲရဲ့ ဆိုးရွားတဲ့ အကျိုးသက်ရောက်မှုတွေနဲ့ ရေရှည်အကျိုးဆက်တွေကို သတိပေးခဲ့ပါတယ်" ဟု ဘုရင့်ရုံးက ထုတ်ပြန်ချက်တွင် ထည့်သွင်းဖော်ပြထားသည်။ “တွေ့ဆုံစဉ်မှာ ဘုရင်မင်းမြတ်နဲ့ ဥရောပကောင်စီဥက္ကဋ္ဌ Michel က ပါလက်စတိုင်း-အစ္စရေး ပဋိပက္ခကို ဖြေရှင်းဖို့ တစ်ခုတည်းသော နည်းလမ်းက နှစ်နိုင်ငံဖြေရှင်းချက်ပဲလို့ ဘုရင်မင်းမြတ်က သတိပေးခဲ့ပါတယ်။ နိုင်ငံရေးအရ အဖြေရှာခြင်းမရှိတဲ့အတွက် ပဋိပက္ခကို ပိုမိုကြီးထွားစေပါတယ်” ဟု ကြေညာချက်တွင် ဖော်ပြထားသည်။

ဂျော်ဒန်ဘုရင်သည် ၎င်း၏သားတော် တော်ဝင်မင်းသား အယ်လ်ဟူစိန်နှင့် ဂျော်ဒန်နိုင်ငံခြားရေးဝန်ကြီး Ayman Hussein Abdullah Al-Safadi တို့ပါဝင်သော ကိုယ်စားလှယ်အဖွဲ့နှင့်အတူ ဘရပ်ဆဲလ်သို့ အလည်အပတ်ရောက်ရှိနေသည်။ Michel အပြင်၊ Abdullah II သည် ဥရောပပါလီမန် ဥက္ကဋ္ဌ Roberta Metsola နှင့်လည်း တွေ့ဆုံခဲ့ပြီး ဂါဇာရှိ အခြေအနေနှင့် ပတ်သက်၍ လက်နက်ကိုင် ထိပ်တိုက်တွေ့မှု အဆုံးသတ်ရန် အစ္စရေးအား ဖိအားပေးရန် တောင်းဆိုခဲ့သည်။ ဘုရင်၏အဆိုအရ ရန်လိုမှုများသည် ဒေသတစ်ခုလုံးကို မတည်မငြိမ်ဖြစ်စေနိုင်သည်။

Ref - Tass

https://t.me/MyanmarNationalPost