ဆော်ဒီအိမ်ရှေ့မင်းသား အီရန်သမ္မတနှင့် ပထမဆုံးအကြိမ် တွေ့ဆုံ

ဒူဘိုင်း၊ နိုဝင်ဘာ ၁၁

ဆော်ဒီအိမ်ရှေ့မင်းသား Mohammed bin Salman Al Saud သည် အီရန်သမ္မတ Ebrahim Raisi နှင့် ၂၀၂၃ ခုနှစ် မတ်လတွင် နှစ်နိုင်ငံ သံတမန်ဆက်ဆံရေး ပြန်လည်ထူထောင်ပြီးနောက်ပိုင်း ပထမဆုံးအကြိမ် တွေ့ဆုံခဲ့သည်။

ရီယာ့ဒ်မြို့တွင် အာရပ်အဖွဲ့ချုပ် (LAS) နှင့် အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) တို့ ၏ ထူးထူးခြားခြား ပူးတွဲ ထိပ်သီး စည်းဝေးပွဲ ပြင်ပတွင် တွေ့ဆုံခဲ့ကြောင်း ဆော်ဒီ သတင်းအေဂျင်စီက ဖော်ပြခဲ့သည်။

အီရန်သမ္မတ၏ နိုင်ငံရေးဆိုင်ရာ လက်ထောက်အရာရှိချုပ် Mohammad Jamshidi က ပါလက်စတိုင်း၏ အခြေအနေနှင့် ပတ်သက်၍ နှစ်ဘက်စလုံးက အရေးကြီးသော ဆွေးနွေးမှုများ ပြုလုပ်ခဲ့ကြောင်း ၎င်း၏ X (ယခင် Twitter) တွင် ပြောကြားခဲ့သည်။ ဆော်ဒီအိမ်ရှေ့မင်းသားသည် အီရန်နှင့် ဆက်ဆံရေး ခိုင်မာစေရန် ရည်ရွယ်ထားကြောင်းလည်း ၎င်းက ပြောကြားခဲ့သည်။

မတ်လ ၁၀ ရက်နေ့တွင် တီဟီရန်နှင့် ရီယာ့ဒ်တို့သည် သံတမန်ဆက်ဆံရေး ပြန်လည်ထူထောင်ရန်နှင့် သံရုံးများကို နှစ်လအတွင်း ပြန်လည်ဖွင့်လှစ်ရန် သဘောတူညီခဲ့ကြသည်။ ရီယာ့ဒ်နှင့် တီဟီရန်ကြား ဆက်ဆံရေးသည် ယီမင်တွင် ဆော်ဒီဦးဆောင်သော ညွန့်ပေါင်းအဖွဲ့၏ စစ်ဆင်မှု စတင်ချိန်တွင် ၂၀၁၅ ခုနှစ် မတ်လတွင် တင်းမာလာခဲ့သည်။ ရှီးယိုက်တရားဟောဆရာ Sheikh Nimr al-Nimr ကို Riyadh က ကွပ်မျက်မှုကြောင့် ဒေါသထွက်နေသော ဆန္ဒပြသူ လူအုပ်ကြီးက တီဟီရန်ရှိ ဆော်ဒီသံရုံးနှင့် ၎င်း၏ကောင်စစ်ဝန်ရုံးတို့ကို ၂၀၁၆ ခုနှစ် ဇန်နဝါရီလတွင် တိုက်ခိုက်ခဲ့ပြီးနောက် အီရန်နှင့် သံတမန်ဆက်ဆံရေး ဖြတ်တောက်ခဲ့သည်။

Ref - TASS

https://t.me/MyanmarNationalPost