MNP ၊ နိုဝင်ဘာ ၆
ကောလင်းမြို့နယ်အတွင်း KIA,PDF အကြမ်းဖက်သမားများ ဆိုးရွားစွာ သောင်းကျန်းနေပြီး လုံခြုံရေးတပ်ဖွဲ့ဝင်များက ပြန်လည် နှိမ်နင်းလျက်ရှိရာ ကျွန်းလှမြို့နယ်မှ လျှပ်စစ်ရုံးဝန်ထမ်း CDM ပြုလုပ်ကာ ထွက်သွားခဲ့ပြီး PDF အကြမ်းဖက်ခေါင်းဆောင်ဖြစ်နေသည့် ရဲဝင်းနိုင် (ခ)ငရဲ အပါအဝင် ကုက္ကိုကုန်းရွားသား ၇ ဦး သေဆုံးသွားကြောင်း သိရသည်။
ကောလင်းမြို့နယ်အတွင်း လုံခြုံရေးတပ်ဖွဲ့ဝင်များနှင့် KIA/PDF/AA အကြမ်းဖက် သောင်းကျန်းသူများနှင့် ဖြစ်ပေါ်လျက်ရှိသည့် တိုက်ပွဲများတွင် ထိခိုက်ဒဏ်ရာရ အကြမ်းဖက်သမားများကို ကျွန်းလှမြို့နယ်၊ ကုက္ကိုကုန်းရွာ တိုက်နယ်ဆေးရုံတွင် CDM ဆရာဝန်များက ဆေးကုသပေးနေခြင်းဖြစ်သည်။
ကျွန်းလှမြို့နယ်၊ သဖန်းဆိပ်ဆည် ရေဝပ်ဧရိယာအတွင်းရှိ တရားမဝင်ရွှေကျင်စက်များ မှ တန်ဆည်မြို့နယ်၊ ကျွန်းလှမြို့နယ်၊ ကန့်ဘလူမြို့နယ်၊ ကောလင်းမြို့နယ်များရှိ အကြမ်းဖတ်အဖွဲ့စည်းများအတွက် အဓိကငွေကြေးကောက်ခံ ရရှိနေသဖြင့် KIA/PDF အကြမ်းဖက်သောင်းကျန်းသူများ ကပ်ခိုနေခြင်းဖြစ်ကြောင်း၊ ဖိဖိစီးစီး ပြင်းပြင်းထန်ထန် နှိမ်နင်းပါမှ အကြမ်းဖက်သောင်းကျန်းသူများ ပြန်ကပ်မလာမှာ ဖြစ်သည့်အတွက် ပြတ်သားစွာ နှိမ်နင်းဆောင်ရွက်ပေးစေလိုကြောင်း ဒေသခံတစ်ဦးက ဆက်သွယ်ပြောဆိုသည်။
https://t.me/MyanmarNationalPost
No comments:
Post a Comment