MNP ၊ ဒီဇင်ဘာ ၁၆
မွန်ပြည်နယ်၊ပေါင်မြို့နယ်၌ အသင့်သောက်အချိုရည်အမျိုးမျိုးနှင်စပ်လျဉ်း၍ ဈေးကွက်စစ်ဆေးခြင်းကိုယမန်နေ့ညနေ (၄) နာရီက ပေါင်းရပ်ကွက်ရှိစတိုးဆိုင်မျာ၌ စစ်ဆေးခဲ့ကြောင်းသိရသည်။
ထိုသို့ ဆောင်ရွက်ရာတွင် ပေါင်မြို့နယ်စားသုံးသူရေးရာဦးစီးဌာနမှူးရုံးမှ ဦးစီးအရာရှိ ဦးနေဇင်သက် နှင့်ဒုတိယဦးစီးမှူး ဦးအောင်မျိုးဦး၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ရပ်ကွက်အုပ်ချုပ်ရေးမှူးနှင့် တာဝန်ရှိသူများပူးပေါင်းကာ စတိုးဆိုင်များတွင် ရောင်းချနေသည့် ဆိုင်များ၌ အသင့်သောက်အချိုရည် အမျိုးမျိုးတို့ကို ဘေးအန္တရာယ်ရှိ/မရှိ၊ ကုန်အညွှန်းအမှတ်အသားတွင် ဖော် ပြရမည့်အချက်များ ပါဝင်မှု ရှိ/မရှိ တို့ကို စားသုံးသူကာကွယ်ရေး ဥပဒေနှင့် အညီ လိုက်လံစစ်ဆေးခဲ့ ကြောင်းသိရသည်။
စားသုံးသူရေးရာဦးစီးဌာနအနေဖြင့် စားသုံးသူများ ဘေးအန္တရာယ်ကင်းရှင်းစေရေး အတွက် ဒေသတွင်းအသုံးပြုလျက်ရှိသည့် ကုန်စည်များနှင့်စပ်လျဉ်း၍ ယခုကဲ့သို့ ဈေးကွက်စောင့်ကြည့်စစ်ဆေးခြင်း၊ စားသုံးသူကာကွယ်ရေးဥပဒေပါအချက်များကို ကျယ်ကျယ်ပြန့်ပြန့်သိရှိစေရေးအတွက် အသိပညာပေးခြင်း၊ဟောပြောခြင်းနှင့် လက်
ကမ်းစာစောင်များဖြန့်ဝေပေးခြင်းတို့ကို သက်ဆိုင်ရာဌာနများနှင့်ပူးပေါင်း၍ စဉ်ဆက် မပြတ် ဆောင်ရွက်လျက်ရှိကြောင်း သိရသည်။
https://t.me/MyanmarNationalPost
No comments:
Post a Comment