MNP ၊ ဒီဇင်ဘာ ၁၃
ပဲခူးတိုင်းဒေသကြီး၊ ပြည်ခရိုင်၊ ရွှေတောင် မြို့နယ်၌ ၂၀၂၄ ခုနှစ်၊ ဇန်နဝါရီလ ၄ ရက်နေ့တွင် ကျရောက်မည့်( ၇၆ )နှစ်မြောက် လွတ်လပ်ရေးနေ့အထိမ်းအမှတ်အဖြစ် မြို့နယ်အခြေခံပညာဦးစီးဌာနက ကြီးမှူးကျင်းပသော စာစီစာကုံးပြိုင်ပွဲ၊ ကဗျာပြိုင်ပွဲနှင့် ကျပန်းစကားပြောပြိုင်ပွဲများကို ယမန်နေ့ နံနက်ပိုင်းက အထက ( ရွှေတောင်) ရတနာခန်းမတွင် ကျင်းပပြုလုပ်သည်။
အဆိုပါ ပြိုင်ပွဲများသို့ မြို့နယ်အတွင်းရှိ အခြေခံပညာမူလတန်း၊ အလယ်တန်း၊အထက်တန်း ကျောင်းသား၊ ကျောင်းသူများ ဝင်ရောက်ယှဉ်ပြိုင်ကြရာ စာစီစာကုံးပြိုင်ပွဲတွင် မူလတန်းဆင့် (၂၅)ဦး၊ အလယ်တန်းဆင့် (၁၇) ဦး၊ အထက်တန်းဆင့် (၁၄) ဦး၊ ကဗျာပြိုင်ပွဲတွင် အထက်တန်းဆင့် ( ၁၄) ဦးနှင့် ကျပန်းစကားပြောပြိုင်ပွဲ အထက်တန်းဆင့် ( ၁၀)ဦး စုစုပေါင်း( ၇၇)ဦး အသီးသီး ပါဝင်ယှဉ်ပြိုင်ကြကြောင်း သိရသည်။
ထိုသို့ ပါဝင်ယှဉ်ပြိုင်ကြရာ စာစီစာကုံးပြိုင်ပွဲများတွင် အထက်တန်းဆင့်အတွက်" လွတ်လပ်မှ ထွတ်မြတ်မည်" ခေါင်းစဉ်ဖြင့်လည်းကောင်း၊ အလယ်တန်းဆင့်အတွက် "လွတ်လပ်ရေးအောင်ပန်း" ခေါင်းစဉ်ဖြင့် လည်းကောင်း၊ မူလတန်းဆင့်အတွက် " လွတ်လပ်ရေးနေ့ တို့မမေ့" ခေါင်းစဉ်ဖြင့်လည်းကောင်း၊ အထက်တန်းဆင့် ကဗျာပြိုင်ပွဲအတွက် "လွတ်လပ်ရေးအမွေ" ခေါင်းစဉ်များဖြင့် ယှဉ်ပြိုင်ရေးသားစေခဲ့ကြောင်း သိရသည်။
ကိုကိုမင်း
https://t.me/MyanmarNationalPost
No comments:
Post a Comment