MNP ၊ဖေဖောဝါရီ ၂၇
မွန်ပြည်နယ်၊ ကျိုက်မရောမြို့နယ်၌ ပြည်သူ့စစ်မှုထမ်း ဥပဒေဆိုင်ရာ သိကောင်းစရာများနှင့် ပတ်သက်၍ ပြည်သူများ ကျယ်ကျယ်ပြန့်ပြန့် သိရှိစေရန်အတွက် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် အသိပညာပေးခြင်း လက်ကမ်းစာစောင်များ ဖြန့်ဝေခြင်းကို ယနေ့ နံနက်က လူစည်ကားရာနေရာများ၌ လိုက်လံဖြန့်ဝေခဲ့ကြောင်း သိရသည်။
ထိုသို့ ဆောင်ရွက်ရာ၌ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးကျော်စိုးဦး၏ ကြီးကြပ်မှုဖြင့် အထွေထွေအုပ်ချုပ်ရေးဦးစီးဌာနဝန်ထမ်းများ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ပြန်ကြားရေးနှင့်ပြည်သူ့ဆက်ဆံရေးမှ ဝန်ထမ်းများ၊ ရပ်ကွက်အုပ်ချုပ်ရေးမှူးများက ကျိုက်မရောမြို့အဝင် ဟင်္သာအဝိုင်းနှင့် လူစည်ကားရာ မြို့မစျေး၊ ဆိုင်ကယ် (Taxi) ဂိတ်များ၊ ကားဂိတ်များ၌ လှုပ်ရှားသွားလာနေသည့် ပြည်သူများကို ပြည်သူ့စစ်မှုထမ်း ဥပဒေဆိုင်ရာ ပညာပေးလက်ကမ်းစာစောင်များကို ဖြန့်ဝေပေးခဲ့ကြောင်း သိရသည်။
ကျိုက်မရော
https://t.me/MyanmarNationalPost
No comments:
Post a Comment