MNP ၊ ဖေဖော်ဝါရီ ၂၅
မွန်ပြည်နယ်၊ပေါင်မြို့နယ်၊ မုတ္တမမြို့အမှတ်(၁၀၂)ခြေမြန်တပ်ရင်းတွင် ရှေးသူတော်ကောင်းများ တည်ထားပူဇော်ခဲ့သော မြို့ဝန်ကြီးစေတီတော်မြတ် (ဗုဒ္ဓါဘိသေကအနေကဇာတင်မင်္ဂလာ) ၊ ဘက်စုံ ပြုပြင်မွမ်းမံခြင်းနှင့် ရောင်တော်ဖွင့် ဆေးသင်္ကန်းတော် ဆက်ကပ်လှူဒါန်းပူဇော်ခြင်းအစုစု ရေစက်ချ အလှူတော်မင်္ဂလာအခမ်းအနားကိုယနေ့နံနက်ပိုင်းကအဆိုပါ “မြို့ဝန်ကြီးစေတီတော်မြတ်"ရင်ပြင်တော်၌ကျင်းပပြုလုပ်ရာ ရှေးဦးစွာပြည်နယ်ဝန်ကြီးချုပ်နှင့်အဖွဲ့သည် စေတီတော်မြတ်ကြီးအားဆွမ်းသပိတ်၊ပန်း၊ရေချမ်း၊ဆီမီး၊အမွှေးနံ့သာများဖြင့်ဆက်ကပ်လှူဒါန်းပူဇော်ကြသည်။
ထို့နောက် မြို့ဝန်ကြီးစေတီတော်မြတ် ဗုဒ္ဓါဘိသေကအနောကဇာတင်နှင့် ရောင်တော်ဖွင့်ဘက်စုံ မွမ်းမံခြင်းကုသိုလ်တော်အစုစုအတွက် ရေစက်ချအလှူတော်မင်္ဂလာ အခမ်းအနားကိုကြွရောက်တော်မူလာကြကုန် သောဆရာတော်သံဃာတော်များနှင့်ဧည့်ပရိတ်သတ်အပေါင်းတို့က နမောတဿ သုံးကြိမ်ရွတ်ဆိုဘုရားရှိခိုးကန်တော့ပြီးမော်လမြိုင်မြို့ မြစေတီရဲကျောင်းပရိယတ္တိစာသင်တိုက် ဦးစီးပဓာန နာယက ဝိနယပါဠိပါရဂူအဂ္ဂမဟာပဏ္ဍိတ၊ ဘဒ္ဒန္တဝိမလဗုဒ္ဓိ အမှူးပြုသော ဆရာတော်၊ သံဃာတော် အရှင်သူမြတ်အပေါင်း တို့မှ မြို့ဝန်ကြီး စေတီတော်မြတ်အား ဗုဒ္ဓါဘိသေကအနေကဇာတင် မင်္ဂလာ ပြုလုပ် ပူဇော်ကြကာ မြစေတီရဲကျောင်း ဆရာတော်ကြီးထံမှ သီလတော်မြတ် ခံယူ ဆောက်တည်ကြပြီးဆရာတော်ကြီးများ၏ အန္တရာယ်ကင်း ပရိတ်တရားတော် ရွတ်ပွား သရဇ္ဈာယ်ချီးမြှင့်မှုကိုနာယူကြသည်။
ယင်းနောက် ပြည်နယ်ဝန်ကြီးချုပ် ဦးအောင်ကြည်သိန်း၊ အစိုးရအဖွဲ့ဝင်ဝန်ကြီးများ၊အလှူရှင်တို့ကဆရာတော်ကြီးများထံလှူဖွယ်ပစ္စည်းများ ဆက်ကပ်လှူဒါန်းကာ မြစေတီရဲကျောင်း ပရိယတ္တိစာသင်တိုက် ဦးစီးပဓာန နာယက ဝိနယပါဠိပါရဂူအဂ္ဂမဟာပဏ္ဍိတ၊ ဘဒ္ဒန္တဝိမလဗုဒ္ဓိဆရာတော်ကြီးထံမှ ရေစက်ချ အနုမောဒနာတရား နာယူကြကာ အခမ်းအနားကို ဗုဒ္ဓသာသနံ စိရံတိဌတု သုံးကြိမ်ရွတ်ဆို ဆုတောင်းပြီး အောင်မြင်စွာရုပ်သိမ်းခဲ့ကြောင်းသိရသည်။
မွန်မလေး
https://t.me/MyanmarNationalPost
No comments:
Post a Comment