ရေကြည် မတ် ၂၅
ဧရာဝတီတိုင်းဒေသကြီး၊ ကျုံပျော်ခရိုင်၊ ရေကြည်မြို့နယ်တွင် ၂၀၂၃-၂၀၂၄ ပညာသင်နှစ် အခြေခံပညာအလယ်တန်းအဆင့်နှင့် မူလတန်းအဆင့် ဆရာ/ဆရာမများအတွက် ဘာသာရပ် စွမ်းရည်မြှင့် (မြို့နယ်အဆင့်) ဆွေးနွေးပွဲကို ယနေ့ နံနက် (၉)နာရီခွဲအချိန်က အ.ထ.က(၁) ရေကြည်ကျောင်းရှိ တေဇာသီရိခန်းမ၌ ကျင်းပပြုလုပ်ခဲ့သည်။
ရှေးဦးစွာ ရေကြည်မြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းချစ်အေးက အဖွင့်အမှာစကား ပြောကြားခဲ့ပြီး မြို့နယ်ပညာရေးမှူးက ကျောင်းသား/ကျောင်းသူများအားလုံး၏ ပညာရေး မြင့်မားရေးကို နိုင်ငံတော်၊ ပညာရေးဌာန၊ မိဘများအားလုံး ပူးပေါင်းဆောင်ရွက်နေခြင်းဖြစ် ကြောင်း၊ သင်ကြားမည့် ဘာသာရပ်အလိုက် သင်ခန်းစာများအား ဆွေးနွေးပေးခြင်းဖြင့် ဆရာ/ ဆရာမတို့၏ သင်ကြားမှုစွမ်းရည်မြင့်မားလာပြီး ကျောင်းသား/ ကျောင်းသူများ၏ နားလည်မှု စွမ်းရည်သည်လည်း ပိုမိုမြင့်မားလာမည်ဖြစ်ကြောင်းနှင့် သင်တန်းဆိုင်ရာ လမ်းညွှန်မှုနှင့် ပတ်သက်သည့် စည်းမျဉ်းစည်းကမ်းများကို ရှင်းလင်းပြောကြားခဲ့သည်။
အဆိုပါ မူလတန်းအဆင့် ဘာသာရပ်ဆိုင်ရာ ဆွေးနွေးပွဲတွင် ရေကြည်မြို့နယ်အတွင်းရှိ အခြေခံပညာအလယ်တန်းအဆင့်၊ မူလတန်းအဆင့် ဆရာ/ဆရာမများ တက်ရောက်ခဲ့ကြပြီး ဘာသာရပ်ဆိုင်ရာ သင်ခန်းစာများကို (၅) ရက်ကြာ ဆွေးနွေးသွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment