ကျောက်တံခါး မတ်၂၆
ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်တံခါးမြို့နယ်တွင် (၂၀၂၃-၂၀၂၄) ပညာသင်နှစ် အခြေခံပညာအလယ်တန်းနှင့် မူလတန်းအဆင့် ဘာသာရပ်စွမ်းရည်မြှင့် မွမ်းမံသင်တန်းကို ယမန်နေ့ (၉) နာရီအချိန်က အ-ထ-က (ကျောက်တံခါး) ပတ္တမြားခန်းမ၌ ကျင်းပပြုလုပ်ခဲ့သည်။
ဦးစွာ အခမ်းအနားတွင် ဒုတိယမြို့နယ်ပညာရေးမှူး ဦးဇော်မင်းထွန်းက အဖွင့်အမှာစကား ပြောကြားရာတွင် အခြေခံပညာအလယ်တန်းနှင့် မူလတန်းအဆင့် ဘာရပ်ဆိုင်ရာ စွမ်းရည်မြှင့် မွမ်းမံတက်ရောက်လာသော ဆရာ/ဆရာမများအနေဖြင့် ယခုသင်တန်းတွင် မိမိတို့အခန်းလိုက် ပို့ချလိုက်သည့် သင်ခန်းစာများအား စနစ်တကျ လေ့လာမှတ်သားထားရန်နှင့် ယခုသင်တန်းဖွင့်လှစ်ရခြင်းမှာ ဆရာ/ဆရာမ သင်ကြားမှုစွမ်းရည် ပိုမိုမြင့်မားလာစေရန် ရည်ရွယ်၍ ဖွင့်လှစ်သင်ကြား ပေးခြင်းဖြစ်ကြောင်း ပြောကြားခဲ့သည်။
အဆိုပါ သင်တန်းသို့ မြို့နယ်အတွင်းရှိ အခြေခံပညာကျောင်းပေါင်း (၁၃၀) ကျောင်းမှ ဆရာ/ဆရာမ(၁၅၀၀)ဦး တက်ရောက်ပြီး သင်တန်းနည်းပြများက မတ်(၂၅)မှ (၂၉)ထိ (၅)ရက်ကြာ သင်ကြားပို့ချသွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment