ညောင်ဦး မတ် ၂၉
မန္တလေးတိုင်းဒေသကြီး ညောင်ဦးခရိုင် ညောင်ဦးမြို့နယ်၌ အစိုးရဓမ္မစရိယနှင့် ပါဠိပထမပြန် စာမေးပွဲကို ညောင်ဦးခရိုင်စီမံအုပ်ချုပ်ရေးအဖွဲ့၊ ညောင်ဦးမြို့နယ် စီမံအုပ်ချုပ်ရေးအဖွဲ့နှင့် ခရိုင်သာသနာရေးဦးစီးဌာနတို့ ပူးပေါင်း၍ ညောင်ဦးမြို့၊ ပုဂံမြို့ဟောင်းရှိ ဇမ္ဗုဒီပသာသနာဗိမာန်တော်ကြီးတွင် ယနေ့ နေ့လယ် ၁၂ နာရီအချိန်က ကျင်းပြုလုပ်လျက်ရှိကြောင်း သိရသည်။
အဆိုပါ အစိုးရဓမ္မစရိယနှင့် ပါရာဇိကဏ်စာပေးပွဲကို နေ့လယ် ၁၂ နာရီမှ ညနေ ၄ နာရီအချိန်ထိ ဖြေဆိုသွားမည်ဖြစ်ပြီး မတ်လ ၂၈ ရက်မှ ဧပြီ ၆ ရက်နေ့အထိ ဖြေဆိုသွားမည်ဖြစ်ကာ သံဃာတော်/ သီလရှင် (၄၀)ပါးတို့ ယနေ့စတင်ဖြေဆိုနေပြီဖြစ်ကာ ရဟန်း (၂၉)ပါး၊ သာမဏေ (၂) ပါး၊ သီလရှင် (၉) ပါးတို့ ဖြေဆိုလျက်ရှိကြောင်း သိရသည်။ စာဖြေသံဃာတော်များ စာမေးပွဲ ဖြေဆိုရာတွင် စိတ်အေးချမ်းသာစွာ ဖြေဆိုနိုင်ရေး သက်ဆိုင်ရာ တာဝန်ရှိသူများနှင့် တပည့်ဒါယကာ၊ ဒါယိကာမများမှ ဆွမ်း၊ ဆေး၊ အအေးများ နေ့စဉ်ကပ်လှူသွားမည်ဖြစ်ကြောင်း သိရသည်။
ဒီပါလင်း
https://t.me/MyanmarNationalPost
No comments:
Post a Comment