တောင်ကုတ် ၊ မတ် ၂၁
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့၌ မြို့ကျက်သရေဆောင်လောကထွဋ်ခေါင် ဖေါင်တော်ဦးစေတီတော်ဗုဒ္ဓပူဇနိယပွဲတော်အဖြစ်အသံမစဲ မဟာပဌာန်းရွတ်ဖတ်ပူဇော်ပွဲကို ယနေ့နံနက် ၉ နာရီ အချိန် ဖောင်တော်ဦးစေတီတော် ၊ ဓမ္မဝိဇယသာသနာ့ဗိမာန်တော်ကြီး ၌ကျင်းပသည်။
ရှေးဦးစွာ အခမ်းအနားကို နမောတဿ(၃)ကြိမ်ရွတ်ဆိုဘုရားကန်တော့၍ ဖွင့်လှစ်ပြီးနောက် ဗောဓျာရာမကျောင်းတိုက် ၊ တိုက်အုပ်ဆရာတော် အရှင်သူမြတ်ထံမှ ငါးပါးသီလခံယူတည်ဆောက်သည်။
ဆက်လက်၍ ရန်ခေါ်ဆရာတော်မှ ရောင်ခြည်တော်ဖွင့် ဘုရားပင့်ဂါထာတော်ဖြင့် ဘုရားပင့် ဆောင်ခြင်း ၊ အနန္တဂုဏ်ရည်ဆရာတော်မှ ပဌာန်းတရားနာကြားရန်အတွက် နတ်ဗြဟ္မာများအားပင့်ဖိတ်ခြင်း ၊ ဝိသုဒ္ဓါရာမ ဆရာတော်မှ ပဌာန်းတရားနာကြားရန် တိုက်တွန်း နှိုးဆော်လွှာ ပဌာန်းအမွှန်းဂါထာတော်အား ရွတ်ဖတ်ပူဇော်ခြင်းများဆောင်ရွက်ကြပြီးနောက် ကြွရောက်လာကြသော ဆရာတော် သံဃာတော်များမှ ပဌာန်းပစ္စယုဒ္ဒေသ(၂၄)ပစ္စည်း ကို သံပြိုင်ညီညာရွတ်ဆို၍ အလှည့်ကျ ဘာဏက သံဃာတော်များမှ အစီအစဉ်အတိုင်းရွတ်ဖတ်ပူဇော်ကြသည်။
အဆိုပါအခမ်းအနားသို့ တေင်ကုတ်မြို့နယ်ရှိ ပင့် သံဃာတော်များ ၊ ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင်နှင့် အဖွဲ့ဝင်များ ၊ မြို့နယ်စီမံအုပ်ချုပ်ရေး အဖွဲ့ ဥက္ကဌ ဦးဇာနည်တိုး နှင့်အဖွဲ့ဝင်များ ၊ ခရိုင် ၊ မြို့နယ်အဆင့်ဌာနဆိုင်ရာများ ၊ မြို့မိမြို့ဖများ ၊ အလှူရှင် များတက်ရောက်ခဲ့ကြပြီး ပဌာန်းပွဲတော်ကို မတ်လ(၂၃)ရက်နေ့ထိ ကျင်းပသွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment