ရန်ကင်း မတ် ၂၈
ရန်ကုန်တိုင်းဒေသကြီး၊ ရန်ကင်းမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန(Community Centre)တွင် ယနေ့နံနက် ၁၁ နာရီအချိန်က အခြေခံအင်္ဂလိပ်စာသင်တန်းဆင်းပွဲအခမ်းအနားပြုလုပ်ခဲ့ကြောင်း သိရသည်။
အဆိုပါ သင်တန်းဆင်းပွဲအခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ရန်ကင်းမြို့နယ်ရုံးမှ ဦးစီးအရာရှိဒေါ်လှလှထွေးက ကျောင်းသား၊ ကျောင်းသူများ နွေရာသီကျောင်းပိတ်ရက်ကာလများ၌ အချိန်ကိုအကျိုးရှိစွာ အသုံးချတတ်စေရန်နှင့် အင်္ဂလိပ်စာဝေါဟာရများကို ကောင်းစွာနားလည်သိရှိစေရန်အတွက် ရည်ရွယ်ပြီးသင်တန်းများဖွင့်လှစ်ပေးခဲ့တာဖြစ်ကြောင်း၊ ဆက်လက်ပြီး နောက်လများမှာလည်း ကျောင်းသား၊ ကျောင်းသူများ အကျိုးရှိစေမယ့်သင်တန်းများ ဖွင့်လှစ်ပေးမည်ဖြစ်သည့်အတွက် တက်ရောက်စေလိုကြောင်းပြောကြားခဲ့သည်။ ဆက်လက်၍ သင်တန်းနည်းပြဆရာဦးမြင့်မောင်က သင်တန်းများတက်ရောက်ခြင်းဖြင့် ရရှိလာသည့်အကျိုးကျေးဇူးများကို ရှင်းလင်းပြောကြားခဲ့ပြီး သင်တန်းကာလကို မတ်လ ၂၁ ရက်နေ့မှ မတ်လ ၂၈ ရက်နေ့အထိ နေ့စဉ်နံနက် ၉ နာရီမှ ၁၁ နာရီအထိ သင်ကြားပေးခဲ့ကြောင်း သိရသည်။
လှလှထွေး
https://t.me/MyanmarNationalPost
No comments:
Post a Comment