ညောင်လေးပင်မြို့နယ် လူထုအခြေပြုဗဟိုဌာန (Community Centre)ခန်းမ၌ အခြေခံကဗျာရေးဖွဲ့နည်းသင်တန်း ဆုပေးပွဲအခမ်းအနားကျင်းပ

ညောင်လေးပင် မတ် ၃၁

ပဲခူးတိုင်းဒေသကြီး ညောင်လေးပင်ခရိုင် ညောင်လေးပင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမ၌ ယနေ့နံနက် ၁၁ နာရီက ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် မြို့နယ်စာရေးဆရာအသင်းတို့ ပူးပေါင်း၍ အခြေခံကဗျာရေးဖွဲ့နည်း သင်တန်းဆုပေးပွဲအခမ်းအနား ကျင်းပပြုလုပ်ခဲ့ကြောင်း သိရသည်။

​ရှေးဦးစွာ မြို့နယ်စာရေးဆရာအသင်း နာယက ဒေါက်တာဦးမြင့်သန်း၊ ဒေါ်နီနီဝင်း ဦးစီးအရာရှိ၊ မြို့နယ်စာရေးဆရာအသင်းအဖွဲ့ဝင် ဦးလှမြင့်တို့က အသီးသီး အဖွင့်အမှာစကားပြောကြားပြီး မြို့နယ်စာရေးဆရာအသင်းဥက္ကဋ္ဌ ဦးစိုးဝင်း (မောင်စုမြင် -ညောင်လေးပင်)က သင်တန်း ဖွင့်လှစ်ခဲ့ခြင်းရည်ရွယ်ချက်နှင့် အကျိုးရလဒ်များအကြောင်းပြောကြားခဲ့သည်။ ထို့နောက် သင်တန်းသားများက ဆရာမဒေါ်တင်ယုလွင် (တေးရတု-ညောင်လေးပင်) ရေးသားသော ကဗျာသင်တန်း ကဗျာကို သံပြိုင်ရွတ်ဆိုခြင်း၊ သင်တန်းသူတစ်ဦးက ကိုယ်တိုင်ရေးဖွဲ့ထားသော ကဗျာတစ်ပုဒ်အားရွတ်ဆိုခဲ့သည်။

ဆက်လက်၍ အထက်တန်းဆင့်ကဗျာရေးဖွဲ့နည်း ပထမ၊ ဒုတိယ၊ တတိယ၊ နှစ်သိမ့်ဆုနှင့် အလယ်တန်းဆင့် ကဗျာရေးဖွဲ့နည်း ပထမ၊ ဒုတိယ၊ တတိယ၊ နှစ်သိမ့်ဆုများအား မြို့နယ်စာရေးဆရာအသင်း နာယကနှင့် အဖွဲ့ဝင်များမှ ဆုများအသီးသီး ပေးအပ်ခဲ့ကြောင်း သိရသည်။

အဆိုပါအခမ်းအနားသို့ မြို့နယ်စာရေးဆရာအသင်းအဖွဲ့ဝင်များ၊ စာပေချစ်မြတ်နိုးသော ဝါသနာရှင်များနှင့် သင်တန်းသား/သူ(၃၂)ဦး စုစုပေါင်း(၇၀)ဦး တတ်ရောက်ခဲ့ကြကြောင်း သိရသည်။

https://t.me/MyanmarNationalPost

See insights and ads

Boost post

All reactions:

11