လားရှိုး ဧပြီ ၉
ရှမ်းပြည်နယ်(မြောက်ပိုင်း) ၊ လားရှိုးမြို့နယ်အတွင်းတွင် ပုဇင်းရင်ကွဲကောင်များ စတင်ပေါ်နေပြီဖြစ်ပြီး ဒေသခံပုဇင်းရောင်းချသူများအနေဖြင့် တစ်ပြည်လျှင် ခြောက်ထောင်ကျပ်ဈေးဖြင့် ရောင်းချလျက်ရှိကြောင်း သိရသည်။
ပုဇင်းရင်ကွဲများကို ချောင်းအနီးတစ်ဝိုက်တွင် ဖမ်းကြရပြီး ဖမ်းမိသည့်ပုဇင်းကောင်များကို ပေါင်းကာ ဈေးကွက်အတွင်းသို့ ပြည်ချိန်ဖြင့် ပြန်လည်ရောင်းချကြခြင်းဖြစ်ကြောင်း သိရသည်။
“ ဒီတစ်နှစ်တော့ ပုဇင်းတစ်ပြည်ကို ခြောက်ထောင်ကျပ်ထိဈေးရှိတယ်။ အရင်နှစ်တွေတုန်းကတော့ တစ်ပြည်လေးထောင်လောက်ပဲ ဈေးရှိတာပေါ့။ဒီတစ်နှစ်တော့ ဈေးတက်သွားတယ်။” ဟု ပုဇင်းရောင်းချသူတစ်ဦးကဆိုသည်။
လားရှိုးမြို့နယ်တွင် ပုဇင်းကို စဉ့်အင်၊ နမ့်ပေါင်ကျေးရွာအနီးပတ်ဝန်းကျင်ရှိ ချောင်းပတ်ဝန်းကျင်တို့တွင် အများဆုံးတွေ့ရလေ့ရှိကြောင်း သိရသည်။
စိုင်းထွန်း (လားရှိုး)
https://t.me/MyanmarNationalPost
No comments:
Post a Comment