နတ်မောက် ဧပြီ ၁
မကွေးတိုင်းဒေသကြီး နတ်မောက်မြို့နယ် စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ မြို့နယ်မီးသတ်တပ်ဖွဲ့နှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ ယမန်နေ့ နံနက် ၉ နာရီအချိန်က မြို့မဈေးကြီးသာယာလှပစေရေးနှင့် မီးဘေးအန္တရာယ် ကြိုတင်ကာကွယ်ရေးအတွက် လိုက်လံ ကြည့်ရှုစစ်ဆေးခဲ့ကြသည်။
ထိုသို့လိုက်လံစစ်ဆေးခဲ့ရာ မြို့မဈေးကြီး မီးဘေးလုံခြုံရေးနှင့် မီးဘေးအန္တရာယ် ကြိုတင်ကာကွယ်နိုင်ရေး မီးသတ်ရေစုကန်အတွင်း ရေဖြည့်တင်ထားရှိမှုရှိ/မရှိ၊ မီးချိတ်မီးကပ်၊ လှေကား၊ သဲ၊ ရေပုံးများ ပြည့်စုံစွာဆောင်ရွက်ထားရှိမှုရှိ/မရှိ စစ်ဆေးခြင်းနှင့် ယခုနှစ်အတွင်း နတ်မောက်မြို့ မီးဘေးအန္တရာယ် ဖြစ်ပေါ်ခြင်းမှ ကင်းဝေးစေရေးအတွက် မြို့နယ်မီးသတ်ဦးစီးဌာနအနေဖြင့် ကြိုတင်ကာကွယ်ရေးလုပ်ငန်းများကို စဉ်ဆက်မပြတ် ကြိုးပမ်းဆောင်ရွက်လျက်ရှိကြောင်း မီးသတ်ဦးစီးအရာရှိမှ အသိပညာပေးရှင်းလင်းပြောကြားခြင်းနှင့် ဈေးအတွင်းရှိ ကွန်ကရစ်လမ်းခင်းခြင်းလုပ်ငန်း ဆောင်ရွက်နေမှုများကို ဌာနဆိုင်ရာအကြီးအကဲများမှ လိုက်လံကြည့်ရှုစစ်ဆေးခဲ့ကြသည်။
လှဝင်း
https://t.me/MyanmarNationalPost
No comments:
Post a Comment