ချမ်းအေးသာစံ ဧပြီ ၉
မန္တလေးတိုင်းဒေသကြီးအစိုးရအဖွဲ့ဝန်ကြီးချုပ် ဦးမျိုးအောင်သည် တိုင်းဒေသကြီးအစိုးရအဖွဲ့ဝင် ဝန်ကြီးများနှင့် တာဝန်ရှိသူများ လိုက်ပါပြီး ကျေးလက်နေ ပြည်သူများနှင့် တိုင်းရင်းသား ပြည်သူများ စာတတ်မြောက်ရေးလုပ်ငန်းများ အကောင်အထည်ဖော် ဆောင်ရွက်နေသည့် သက်ဆိုင်ရာ မြို့နယ်အသီးသီးရှိ သတ်မှတ်စာသင်ဝိုင်းများတွင် သင်ကြားပို့ချပေးနေမှုများကို ယမန်နေ့ မွန်းလွဲပိုင်းက လိုက်လံကြည့်ရှုအားပေးကြသည်။
ထိုသို့ လိုက်လံကြည့်ရှုအားပေးရာတွင် တိုင်းဒေသကြီးဝန်ကြီးချုပ်နှင့် အဖွဲ့သည် အောင်မြေသာစံ မြို့နယ်ရှိ အမှတ်(၂၉) အခြေခံပညာအလယ်တန်းကျောင်း(ခွဲ)နှင့် ချမ်းမြသာစည်မြို့နယ်ရှိ အမှတ် (၁၈) အခြေခံပညာအထက်တန်းကျောင်း(ခွဲ)များရှိ စာသင်ဝိုင်းနေရာများသို့ ရောက်ရှိပြီး တက်ရောက်သင်ယူနေကြသူများ၊ နည်းပြများနှင့် ကြီးကြပ်များအား ရင်းနှီးစွာ နှုတ်ဆက်အားပေးကာ စာသင်သားများအတွက် စာရေးကိရိယာများ ထောက်ပံ့ပေးခဲ့ကြောင်းနှင့် လိုအပ်သည်များကို ဖြည့်ဆည်းဆောင်ရွက်ပေးခဲ့ကြောင်း သတင်းရသည်။
ထွန်းထွန်းနိုင်
https://t.me/MyanmarNationalPost
No comments:
Post a Comment