ရွှေတောင် ဧပြီ ၁၀
ပြန်ကြားရေး နှင့်ပြည်သူ့ဆက်ဆံရေးဦးစီးဌာနနှင့် စာပေချစ်မြတ်နိုးသူများအသင်း Book Club နှင့် Youth Club တို့ပူးပေါင်း၍ လူထုအခြေပြုဗဟိုဌာန(Community Centre)ခန်းမ၌ ယနေ့ နံနက်ပိုင်းက စာရေးဆရာ အောင်သင်း၏" မျိုးဆက်သစ်ရဲ့မဟာမိတ်" စာအုပ်ဖြင့် စာဖတ်ဝိုင်း ပြုလုပ်ခဲ့သည်။
အဆိုပါ စာဖတ်ဝိုင်းတွင် စာပေချစ်မြတ်နိုးသူများအသင်း Book Club ဥက္ကဌ စာရေးဆရာမကြီး ဒေါ်ခင်ယုနိုင် ( အေပရာယ်ယုနိုင်)က အဖွင့်အမှာစကားပြောကြားပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဒုတိယဦးစီးမှူးဒေါ်နွေးဒါလီနိုင်က ရွှေတောင်မြို့နယ်အတွင်းရှိ ပြည်သူများအနေဖြင့် စာဖတ်ရှိန်မြင့်မားလာစေရန်၊ စာပေမှဗဟုသုတများရရှိစေရန်၊ တစ်ဦးနှင့်တစ်ဦး အတွေးအခေါ်အယူအဆများကို နှီးနှောဖလှယ်နိုင်ခြင်း၊ စာပေဖတ်ရှုသည့်အလေ့အကျင့်များရရှိစေခြင်း၊ စာပေဖတ်ရှုခြင်းမှ စာရေးသူများတိုးပွားလာစေရန်စသည့် စာဖတ်ဝိုင်းပြုလုပ်ရခြင်း၏ ရည်ရွယ်ချက်များကို ရှင်းလင်းပြောကြားခဲ့ပြီး စာရေးဆရာ အောင်သင်း ရေးသားထားသည့်" မျိုးဆက်သစ်ရဲ့မဟာမိတ်" စာအုပ်မှ ကြီးပွားရေးအကျဥ်းချုပ်၊ ဥာဏ်နဲ့အသက်၊ ကျေးလက်ကျောင်းဆရာလေးတွေ၊ စိတ်အနေစိတ်ထား၊ မျိုးဆက်သစ်ရဲ့မဟာမိတ်၊ ကိုယ့်ကိုယ်ကိုယ်ဝေဖန်ခြင်း၊ကျွန်စိတ် သခင်စိတ်စသည့် စာအုပ်ပါအကြောင်းအရာများကို ဒေါ်ခင်ယုနိုင် ( အေပရယ်ယုနိုင်)၊ဦးဇော်မင်း ( အငြိမ်းစား - ပညာရေး)၊ ဦးမြင့်ဦး ( မိတ္တ- ရွှေတောင်)၊ ဦးအုန်းမောင် ( မောင်အေးငြိမ်း - သရက်) တို့မှ ဦးဆောင် ဆွေးနွေးခဲ့ကြပြီးစာပေချစ်မြတ်နိုးသူများအသင်း Book Club နှင့် Youth Club အသင်းဝင်များ၊ မှ သက်ဆိုင်ရာ ခေါင်းစဉ်ကဏ္ဍများအလိုက် အပြန်အလှန် ဆွေးနွေးခဲ့ကြသည်။
ထို့နောက် ဒုတိယဦးစီးမှူးဒေါ်နွေးဒါလီနိုင်တို့က ဖြည့်စွက်ဆွေးနွေးခဲ့ကြပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှမူးယစ်ဆေးဝါးအန္တရာယ် အသိပညာပေး နံရံကပ်စာစောင်၊ကလေးအလုပ်သမားပပျောက်ရေးနံရံကပ်စာစောင်များပြသခဲ့သည်။အဆိုပါ စာဖတ်ဝိုင်းများကို လစဉ်ပုံမှန်ဆောင်ရွက်လျှက်ရှိကြောင်း သိရှိရသည်။
ကိုကိုမင်း
https://t.me/MyanmarNationalPost
No comments:
Post a Comment