ရွှေတောင် ၊ မေ ၂၆
ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်၏ လမ်းညွှန်မှုဖြင့် ( ၂၀၂၄ - ၂၀၂၅) ပညာသင်နှစ် နွေရာသီ လူငယ်ကင်းထောက်သင်တန်း ပဲခူးမြို့(အ- ထ - က) ကျောင်းများရှိ ကျောင်းသား / ကျောင်းသူများသည် ယမန်နေ့ ညနေပိုင်းက ရွှေတောင်မြို့နယ်အတွင်း စခန်းချလေ့လာရေး ခရီးစဉ် ရောက်ရှိခဲ့သည်။
( ၂၀၂၄ - ၂၀၂၅) ပညာသင်နှစ် နွေရာသီ လူငယ်ကင်းထောက်သင်တန်း ပဲခူးမြို့(အ- ထ - က) ကျောင်းများရှိ ကျောင်းသား / ကျောင်းသူများ နှင့် ကြီးကြပ်သူ စုစုပေါင်း (၇၀)ဦးတို့သည် ရွှေတောင်မြို့နယ်အတွင်း စခန်းချလေ့လာရေး ခရီးစဉ် ရောက်ရှိခဲ့ရာ ရွှေတောင်မြို့နယ် ၊ မယားမာန်ကျေးရွာအုပ်စု၊ ရှေးဟောင်းသမိုင်းဝင် ရွှေနတ်တောင်စေတီတော်မြတ်ကြီးတွင် အလှူငွေများလှူဒါန်း၍ ရွှေနတ်တောင်စေတီတော်မြတ်ကြီး ဂေါပကအဖွဲ့မှ ဂုဏ်ပြုမှတ်တမ်းလွှာပေးအပ်ပြီး ရွှေနတ်တောင်စေတီတော်မြတ်ကြီး၏ သမိုင်းကြောင်းများအားရှင်းလင်းပြောကြားရာ ကင်းထောက်အဖွဲ့ဝင်တစ်ဦးမှ ကျေးဇူးတင်စကားပြောကြားခြင်းနှင့် စခန်းချလေ့လာခြင်းများ ပြုလုပ်ခဲ့ကြသည်။ဆက်လက်၍ ရွှေတောင်မြို့ ၊ ယွန်းတန်းရပ်ကွက် ၊ရှေးဟောင်းသမိုင်းဝင် ရွှေမျက်မှန်ဘုရားကြီးအားဖူးမြော်ကြည်ညိုခဲ့ကြသည်။
အဆိုပါ လူငယ်ကင်းထောက်သင်တန်းကျောင်းသား/ ကျောင်းသူများ စခန်းချလေ့လာရေးခရီးစဥ်သို့ ပြည်ခရိုင် ၊ဒုတိယခရိုင်အုပ်ချုပ်ရေးမှူး ဦးကျော်နိုင်နှင့် အဖွဲ့ဝင်များ၊ တိုင်း ( ခွဲ) ပညာရေးမှူး ဦးတင်ယုနှင့် အဖွဲ့များ၊ ခရိုင်ပညာရေးမှူး ဒေါ်စန်းစန်းဝင်းနှင့် အဖွဲ့များ၊ ရွှေတောင်မြို့နယ် စီမံအုပ်ချုပ်ရေးအဖွဲ့ဥက္ကဌ ဦးဟံဝင်းအောင် နှင့် အဖွဲ့ဝင်များ၊ မြို့နယ်ပညာရေးမှူးနှင့် အဖွဲ့များ၊ မြို့နယ်ရဲတပ်ဖွဲ့မှူးနှင့် တပ်ဖွဲ့ဝင်များ၊ မြို့နယ်အထွေထွေအုပ်ချုပ်ရေးဦးစီးဌာနဝန်ထမ်းများ၊ မြို့နယ်အမျိုးသမီးရေးရာအဖွဲ့ ဥက္ကဌနှင့် အဖွဲ့ဝင်များ၊ မြို့နယ်မိခင်နှင့်ကလေး စောင့်ရှောက်ရေးအသင်းအဖွဲ့များမှ လိုအပ်သည်များကို ပံ့ပိုးကူညီဆောင်ရွက်ပေးခဲ့ကြကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment