အာဆီယံကော်မတီဝါရှင်တန်၏ လှုပ်ရှားမှုအဖြစ် အမေရိကန်ကာကွယ်ရေးဝန်ကြီးဌာနနှင့် တွေ့ဆုံပွဲသို့ မြန်မာ သံရုံးယာယီတာဝန်ခံ/ သံအမတ် ပါဝင်တက်ရောက်

ဝါရှင်တန်၊ မေ ၂၁

အာဆီယံကော်မတီဝါရှင်တန် (ASEAN Committee in Washington – ACW) ၏ လှုပ်ရှားမှုအဖြစ် အလှည့်ကျဥက္ကဋ္ဌ မလေးရှားသံရုံးမှ ဦးဆောင်၍ အမေရိကန်ကာကွယ်ရေး ဝန်ကြီးဌာန တောင်နှင့် အရှေ့တောင်အာရှဒေသဆိုင်ရာ ဒုတိယလက်ထောက်ကာကွယ်ရေး ဝန်ကြီး Ms. Lindsey W. Ford နှင့် တွေ့ဆုံဆွေးနွေးပွဲကို မလေးရှားသံရုံး၌ ၂၀-၅-၂၀၂၄ ရက်က ကျင်းပခဲ့ရာ မြန်မာသံရုံးယာယီတာဝန်ခံ ဦးသက်ဝင်းသည် အာဆီယံသံရုံးအကြီးအကဲများ၊ ကိုယ်စားလှယ်များနှင့်အတူ ပါဝင်တက်ရောက်ခဲ့သည်။ 

အဆိုပါအခမ်းအနားတွင် အာဆီယံကော်မတီဝါရှင်တန်၏ အလှည့်ကျဥက္ကဋ္ဌ အမေရိကန် နိုင်ငံဆိုင်ရာ မလေးရှားသံအမတ်ကြီး Mr. Dato’ Nazri Aziz က အဖွင့်အမှာစကား ပြောကြားကာ အမေရိကန်ကာကွယ်ရေးဝန်ကြီးဌာန တောင်နှင့် အရှေ့တောင်အာရှဒေသ ဆိုင်ရာ ဒုတိယလက်ထောက်ကာကွယ်ရေးဝန်ကြီးက စင်ကာပူနိုင်ငံတွင် ပြုလုပ်မည့် ရှန်ဂရီလာ ဆွေးနွေးပွဲတွင် ပါဝင်ရန်အတွက် ဒေသတွင်းသို့ အမေရိကန်ကာကွယ်ရေးဝန်ကြီး၏ အလုပ်သဘောခရီးစဉ် သွားရောက်မည့်ကိစ္စတို့နှင့်စပ်လျဉ်း၍ ရှင်းလင်းပြောကြားခဲ့သည်။

တွေ့ဆုံဆွေးနွေးပွဲတွင် အင်ဒို-ပစိဖိတ်ဒေသတွင် ဖြစ်ပေါ်တိုးတက်မှုအခြေအနေများနှင့် ပူးပေါင်းဆောင်ရွက်နိုင်မှုအလားအလာများနှင့်စပ်လျဉ်း၍ ဆွေးနွေးခဲ့ကြောင်း သိရသည်။ 

Join - https://t.me/MyanmarNationalPost