ငါးသိုင်းချောင်း၊ ဇွန် ၂၅
ဧရာဝတီတိုင်းဒေသကြီး ၊ကျုံပျော်ခရိုင်၊ ငါးသိုင်းချောင်းမြို့ အခြေခံပညာအလယ်တန်းကျောင်း (ခွဲ)မြို့မတွင် ရေကြည်မြို့နယ်ကြက်ခြေနီအသင်းခွဲက အခြေခံရှေးဦးပြုစုခြင်းသင်တန်း (၃/၂၀၂၄) ကို ယနေ့နံနက် (၉) နာရီအချိန်ကဖွင့်လှစ်ခဲ့သည်။
အခမ်းအနားတွင် ရေကြည်မြို့နယ်ကြက်ခြေနီအသင်းခွဲဥက္ကဌ ဦးမောင်မောင်အေးကသင်တန်းဖွင့်လှစ်ရခြင်း၏ရည်ရွယ်ချက်ကိုရှင်းလင်းပြောကြားပြီး ကျောင်းအုပ်ဆရာမကြီးဒေါ်ခင်ကြူဝင်းက အဖွင့်အမှာစကားပြောကြားခဲ့သည်။
ထို့နောက်ငါးသိုင်းချောင်းမြို့ကြက်ခြေနီအသင်းခွဲငယ် ဥက္ကဌဦးအောင်စိုးမြင့်မှ သင်းတန်းတက်ရောက်လာကြသည့်ကျောင်းသားကျောင်းသူများအနေဖြင့်မိမိကိုယ်တိုင်နှင့်မိမိ မိသားစု၊ပတ်ဝန်းကျင်ကိုအကျိုးပြုနိုင်သည့်ပညာများကိုစာတွေ့လက်တွေ့သင်ကြားပေးသွားမည်ဖြစ်သဖြင့်ကြိုးစားသင်ယူကြရန်ပြောကြားကာ အခမ်းအနားကို ရုပ်သိမ်းခဲ့သည်။
အဆိုပါသင်တန်းအားကျောင်းအကျိုးတော်ဆောင်များ၊ဆရာ ဆရာမများ၊သင်တန်းနည်းပြများနှင့် သင်တန်းသား သင်တန်းသူ (၄၃) ဦးတက်ရောက်ကာသင်တန်းကာလမှာ(၂၅/၂၆/၂၇.၆.၂၀၂၄) (၃)ရက်ဖွင့်လှစ်သင်ကြားမည်ဖြစ်ပြီး အခြေခံ ရှေးဦးပြုစုနည်းများကို စာတွေ့လက်တွေ့သင်ကြားပြသပေးသွားမည်ဖြစ်ကြောင်းသိရသည်။
Join - https://t.me/MyanmarNationalPost
(သတင်းပေးပို့ရန် Viber, Telegram - 09692366274)
No comments:
Post a Comment