သီပေါ၊ ဇွန် ၃၀
သီပေါမြို့နယ်ရှိ မိုးတေ၊ ဆွတ်လုံးနှင့် ဆွတ်လန်းကျေးရွာများနှင့် ဝန်းကျင်တစ်ဝိုက်တွင် MNDAA သောင်းကျန်းသူ ၂၇၀ ဦးခန့် သီပေါမြို့ကို တိုက်ခိုက်နေသည့် အဖွဲ့များအတွက် အင်အားဖြည့်တင်းရန် ဖြန့်ခွဲထားရှိပြီး ဆွတ်လန်းကျေးရွာတွင် လက်နက်ကြီး/ ခဲယမ်းများ စုစည်းထားကြောင်း ဒေသခံသတင်းများအရ သိရသည်။
ဇွန်လ ၂၆ ရက်နေ့က နမ္မတူမြို့နယ်၊ နားဆိုင်းကျေးရွာ၌ ဖြန့်ခွဲအခြေပြုလျက်ရှိသည့် MNDAA သောင်းကျန်းသူအဖွဲ့၊ အင်အား ၂၇၀ ဦးခန့်မှ ယူနီဖောင်းဝတ်/ လက်နက်ငယ်ကိုယ်စီကိုင်ဆောင်လျက် လက်နက်ကြီး၊ ခဲယမ်းများဖြင့် အင်အား ၇၀ ဦးခန့်သည် သီပေါမြို့နယ်၊ မိုးတေကျေးရွာ ဝန်းကျင်တစ်ဝိုက်တွင်လည်းကောင်း၊ အင်အား ၁၅၀ ဦးခန့်သည် သီပေါမြို့နယ်၊ ဆွတ်လုံးကျေးရွာဝန်းကျင်တစ်ဝိုက်တွင်လည်းကောင်း၊ အင်အား ၅၀ ဦးခန့်သည် သီပေါမြို့နယ်၊ ဆွတ်လန်းကျေးရွာသို့ ရောက်ရှိပြီး ယင်းကျေးရွာရှိ TNLA/PDF အကြမ်းဖက် သောင်းကျန်းသူအဖွဲ့၊ အင်အား ၅၀ ဦးခန့်နှင့် ပူးပေါင်း၍ ပေါင်း ၁၀၀ ဦးခန့်ဖြင့် လည်းကောင်း၊ အသီးသီးရောက်ရှိ ဖြန့်ခွဲအခြေပြုလျက်ရှိပြီး အဆိုပါအဖွဲ့များအနေဖြင့် သီပေါမြို့ကို တိုက်ခိုက်နေသည့် အဖွဲ့များအား အင်အားဖြည့်တင်းခြင်းဖြစ်ကြောင်းနှင့် ဆွတ်လုံးကျေးရွာတွင် လက်နက်ကြီး၊ ခဲယမ်းများ စုစည်းထားကြောင်း သိရသည်။
Join - https://t.me/MyanmarNationalPost
(သတင်းပေးပို့ရန် Viber, Telegram - 09692366274)
No comments:
Post a Comment