ထားဝယ်၊ ဇူလိုင် ၃
ယနေ့တွင်ကျရောက်သည့်မြန်မာအမျိုးသမီးများနေ့အခမ်းအနားကို ယနေ့နံနက် ၉ နာရီခွဲ က တနင်္သာရီတိုင်းဒေသကြီး၊ ထားဝယ်မြို့၊ မြို့တော်ခန်းမ၌ ကျင်းပသည်။
အခမ်းအနားတွင်တိုင်းဒေသကြီးဝန်ကြီးချုပ်ဦးမြတ်ကိုက မြန်မာအမျိုးသမီးများနေ့တွင်တနင်္သာရီတိုင်းဒေသကြီးအတွင်းမှာ ရှိသော အမျိုးသမီးများအပါအဝင် မြန်မာအမျိုးသမီးများအားလုံးကို လှိုက်လှဲစွာဂုဏ်ပြုပါကြောင်း၊ အမျိုးသမီးများအား နည်းမျိုးစုံဖြင့်ခွဲခြားမှုပပျောက်ရေးဆိုင်ရာ ကုလသမဂ္ဂကွန်ဗင်းရှင်း(CEDAW)ပါ ကတိကဝတ်များနှင့်အကြံပြုသုံးသပ်ချက် များ၊ ဘေဂျင်းလုပ်ငန်းစီမံချက်ပါ ဦးစားပေး နယ်ပယ်(၁၂)ရပ်နှင့်အညီ ရေးဆွဲထားသည်အမျိုးသမီးများဖွံ့ဖြိုးတိုးတက်ရေး ဆိုင်ရာ အမျိုးသားအဆင့်မဟာဗျူဟာစီမံကိန်း (၂၀၁၃-၂၀၂၂)ကိုရေးဆွဲခဲ့ပြီး မဟာဗျူဟာစီမံကိန်းအနေဖြင့် ၂၀၂၂ခုနှစ်တွင် စီမံကိန်းကာလပြီးဆုံးခဲ့ပြီဖြစ်သည့်အတွက်အမျိုးသမီးများဖွံ့ဖြိုးတိုးတက်ရေးဆိုင်ရာအမျိုးသားအဆင့်မဟာဗျူဟာစီမံကိန်း (Phase II)ကိုလူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနကဦးဆောင်ပြီးဆက်စပ် ဝန်ကြီးဌာန များနှင့်အဖွဲ့အစည်းများကဝိုင်းဝန်းပူးပေါင်းရေးဆွဲလျက်ရှိကြောင်း၊ နိုင်ငံတော်အဆင့်ဦးစားပေးကဏ္ဍများဖြစ်သည့်ငြိမ်းချမ်း ရေး၊စီးပွားရေးဖွံ့ဖြိုးတိုးတက်ရေး၊ အမျိုးသမီးများနှင့်အမျိုးသမီးငယ်ရွယ်များအပေါ်အကြမ်းဖက်မှု လျော့နည်းပပျောက်ရေး နှင့်သဘာဝဘေးအန္တရာယ်ကို ခံနိုင်ရည် စွမ်းအားမြင့်မားစေရေးတို့အတွက် အရှိန်အဟုန်ဖြင့်ဆောင်ရွက်သွားနိုင်ရန်အတွက် တိုင်းဒေသကြီးအတွင်းရှိဆက်စပ်ဌာနအဖွဲ့အစည်းများ၊အစိုးရမဟုတ်သောနိုင်ငံတကာအဖွဲ့အစည်းများအနေဖြင့်ပူးပေါင်းဆောင်ရွက်သွားကြရမှာဖြစ်ကြောင်း၊ ကျား/မတန်းတူညီမျှမှုရှိရန်နှင့် မြန်မာအမျိုးသမီးများ၏အခွင့်အရေးများကို ပိုမိုမြှင့်တင် ကာကွယ်စောင့်ရှောက်နိုင်ရန်အတွက်နိုင်ငံတော်အနေဖြင့်ဘက်ပေါင်းစုံက တတ်နိုင်သရွေ့ကြိုးပမ်းဆောင်ရွက်လျက်ရှိသလို အမျိုးသမီးထုကြီးနှင့်အဖွဲ့အစည်းများကလည်း သက်ဆိုင်ရာကဏ္ဍအသီးသီးကနေ ဝိုင်းဝန်းပူးပေါင်းဆောင်ရွက်ပေးကြရန် လိုအပ်ကြောင်းပြောကြားသည်။
ထို့နောက်တိုင်းဒေသကြီးဝန်ကြီးချုပ်က ထူးချွန်အမျိုးသမီးများအား ဆုချီးမြှင့်ပြီးမြန်မာအမျိုးသမီးများနေ့ အထိမ်းအမှတ် မှတ်တမ်းတင်Video ပြသမှုနှင့်မူလတန်းကြိုကျောင်းမှသားငယ်သမီးငယ်များ က စည်းလုံးစို့လေသွေးချင်း တို့ရဲ့ပြည်သီချင်း ဖြင့် ဖျော်ဖြေတင်ဆက်မှုတို့အား တိုင်းဒေသကြီးဝန်ကြီးချုပ်၊ တိုင်းဒေသကြီးတရားလွှတ်တော်တရားသူကြီးချုပ်နှင့် တိုင်းဒေသကြီးဝန်ကြီးများ က ကြည့်ရှုအားပေးခဲ့ကြောင်းသတင်းရရှိသည်။
Join - https://t.me/MyanmarNationalPost
(သတင်းများ ပေးပို့ရန် Viber, Telegram - 09692366274)
No comments:
Post a Comment