မင်းတုန်း၊ ဇူလိုင် ၂၇
မကွေးတိုင်းဒေသကြီး၊ မင်းတုန်းမြို့နယ်တွင် မိုးများအဆက်မပြတ်ရွာသွန်းခြင်းကြောင့် ယမန်နေ့ညနေပိုင်းမှစ၍ မင်းတုန်းချောင်းရေများမြင့်တက်လာမှုကြောင့် မင်းတုန်း-ဘူးတောင်းရွာ ပုသိမ်-မုံရွာ ဆက်သွယ်ရေးလမ်းရေကျော်ပြီး လမ်းဘေးဝဲယာရှိ နှမ်းစိုက်ခင်း၊ ဟင်းသီးဟင်းရွက်နှင့် ဖူးစားပြောင်း စိုက်ခင်းများ ရေကြီးနစ်မြုပ်ခဲ့သည်။
အလားတူ မူးချောင်း၊ လွှာချောင်း၊ ပဲမြောက်ချောင်းနှင့် ရှုချောင်းတို့ ချောင်းရေမြင့်တက်မှုကြောင့် ချောင်းဘေးတစ်လျှောက်ရှိ ကျေးရွာများမှ ချောင်းဘေးကိုင်းမြေပေါ်တွင် စိုက်ပျိုးထားသော မိုးသီးနှံစိုက်ခင်းများ ရေကြီးနစ်မြုပ်ရာ ကျေးရွာအုပ်စု(၄၄)အုပ်စုရှိ နှမ်းသီးနှံ(၃၂၄၄)ဧက၊ စပါး(၉၄)ဧက၊ ဖူးစားပြောင်း(၇၂)ဧက၊ မြေပဲ(၂၀၃)ဧက၊ နေကြာ(၃၁၁)ဧက၊ မတ်ပဲ(၅)ဧကနှင့် ဟင်းသီးဟင်းရွက်(၆၆)ဧက စုစုပေါင်း(၃၉၉၅)ဧက ရေကြီးနစ်မြုပ်ကြောင်း သိရသည်။
#MyanmarNationalPost
No comments:
Post a Comment