ရန်ကုန်၊ နိုဝင်ဘာ ၁၅
ဗိုလ်တထောင်ကျိုက်ဒေးအပ်ဆံတော်ဦးစေတီတော်မြတ်ကြီး၌ အကြိမ်(၄၀)မြောက် မသိုးရွှေကြာသင်္ကန်းတော်ကပ်လှူပူဇော်ပွဲအား ယနေ့ နိုဝင်ဘာ ၁၅ ရက်(တန်ဆောင်မုန်းလပြည့်နေ့- သာမညဖလအခါတော်နေ့) နံနက် ၅ နာရီက ကျင်းပခဲ့သည်။
ယမန်နေ့ နိုဝင်ဘာ ၁၄ ရက်ညပိုင်းက မသိုးသင်္ကန်းစင်တော်(၂၄)စင်မှ ရက်လုပ်ရရှိလာသည့် မသိုးသင်္ကန်းများအား ရန်ကုန်တိုင်းဝန်ကြီးချုပ် ဦးစိုးသိန်းနှင့်တာဝန်ရှိသူများ၊ အလှူရှင်များက သယ်ယူ၍ ဗိုလ်တထောင်စေတီတော်မြတ်ကြီးအား လက်ယာရစ် လှည့်လည်အပူဇော်ခံခဲ့ကြသည်။
ထိုနောက် ဗိုလ်တထောင်စေတီတော်မြတ်ကြီးအတွင်းရှိ မြတ်စွာဘုရားဆင်းတုတော်များအား မသိုးရွှေကြာသင်္ကန်းတော်များကို ကပ်လှူပူဇော်ခဲ့ကြသည်။
Join - https://t.me/MyanmarNationalPost
No comments:
Post a Comment