မန္တလေး ၊ နိုဝင်ဘာ ၂၇
ဆေးဘက်ဆိုင်ရာ နည်းပညာတက္ကသိုလ် (မန္တလေး)၏ ၂၀၂၄- ၂၀၂၅ ပညာသင်နှစ်အတွက် ပထမနှစ် (၁၁/၂၀၂၄)သင်တန်းသို့ တက်ရောက်ခွင့်ရသည့် မောင်မယ်သစ်လွင် ကျောင်းသား/ကျောင်းသူများအား ကြိုဆိုပွဲ အခမ်းအနားကို ယမန်နေ့ နံနက် ၁၁ နာရီက မြတ်ဝတ်လွှာ စာသင်ခန်းမ၌ ကျင်းပသည်။
ရှေးဦးစွာ ဆေးဘက်ဆိုင်ရာ နည်းပညာတက္ကသိုလ် မန္တလေးဒုတိယပါမောက္ခချုပ် ဒေါက်တာလင်းထက်မြင့်က ကြိုဆိုနှုတ်ဆက်အမှာစကား ပြောကြားပြီး၊ မော်ကွန်းထိန်း၊ ပါမောက္ခ၊ ဌာနမှူးများနှင့် ကထိကဌာနမှူးများက စာမေးပွဲစည်းကမ်းများ၊ ဘာသာရပ်ဆိုင်ရာ သိသင့်သိထိုက်သည်များကို ရှင်းလင်းပြောကြားခဲ့သည်။
အဆိုပါ အခမ်းအနားသို့ ဒုတိယပါမောက္ခချုပ်၊ မော်ကွန်းထိန်း၊ ပါမောက္ခ၊ ဌာနမှူးများနှင့် ကထိကဌာနမှူးများ၊ ဆေးဘက်ဆိုင်ရာနည်းပညာတက္ကသိုလ် မန္တလေးဝင်ခွင့်ရသည့် ကျောင်းသား/ကျောင်းသူ (၉၀) ဦးခန့် တက်ရောက်ခဲ့ကြောင်း သိရသည်။
ဇာနည်ကိုကို
https://t.me/MyanmarNationalPost
No comments:
Post a Comment